مودی کے آنے کے بعد مسلم خواتین کو مستقل شوہر مل گیا

کرناٹک میں آر ایس ایس کے ایک رہنما کے خلاف ان کے مبینہ ریمارک پر مقدمہ درج کیا گیا ہے کہ جہاں مسلم مرد تین طلاق کو غیر قانونی قرار دینے والے بل کو پاس کرنے پر مرکز کی بی جے پی حکومت سے ناخوش ہیں، وہیں مسلم خواتین خوش ہیں کیونکہ اب ان کے پاس "مستقل شوہر” ہے۔

 کرناٹک میں آر ایس ایس کے ایک سرکردہ کارکن کلڈکا پربھاکر بھٹ کے خلاف ہفتہ کے روز دو شکایات درج کی گئی ہیں جنہوں نے مسلم خواتین کے خلاف نازیبا ریمارکس کرنے اور تین طلاق پر پابندی عائد کرنے پر وزیر اعظم نریندر مودی کی تعریف کی۔

 کرناٹک کے سری رنگا پٹنہ میں ایک تقریب کے دوران ایک تقریر میں، آر ایس ایس لیڈر پربھاکر بھٹ کالڈکا نے کہا تھا حال ہی میں، تین طلاق کے ذریعے طلاق کا رواج قانونی تھا، لیکن مودی حکومت کے اقتدار میں آنے کے بعد سے اسے ختم کر دیا گیا ہے۔ مرد اس سے بہت ناخوش ہوں گے۔

اس بیان کے سوشل میڈیا پر وائرل ہونے کے بعدراحیب اللہ اور عثمان نے اس معاملے میں آر ایس ایس لیڈر بھٹ کے خلاف دو الگ الگ شکایتیں درج کرائی ہیں۔

 جبکہ  ایک سماجی کارکن نازیہ نذیر نے بھی سری رنگا پٹنہ پولیس اسٹیشن میں شکایت درج کرائی منڈیا ضلع میں ہنوما سنکرتن یاترا پروگرام میں کیے گئے تبصرے کے بارے میں پربھاکر بھٹنے کہا کہ مودی کے آنے کے بعد ہی مسلم خواتین کو مستقل شوہر ملے ہیں۔

ان کے خلاف منڈیا ضلع کے سری رنگا پٹنہ پولیس اسٹیشن میں ایک اور شکایت درج کرائی گئی ہے، لیکن بھٹ نے ہائی کورٹ سے حکم امتناعی حاصل کیا ہے۔

اسی وقت کرناٹک میں عام آدمی پارٹی (اے اے پی) نے بھی جمعہ کو بنگلورو میں بھٹ کے خلاف مقدمہ درج کرایا ہے۔ عام آدمی پارٹی نے ان کے تبصروں کو خواتین، برادری اور مذہب کی توہین قرار دیا ہے۔

خواتین کی تنظیموں اور ناقدین نے پربھاکر بھٹ کے خلاف احتجاج کیا ہے اور اس معاملے میں کارروائی نہ کرنے پر کانگریس حکومت کو تنقید کا نشانہ بنایا ہے۔