حیدرآباد :بی جے پی امیدوار مادھوی لتا نے برقعہ پوش خواتین کی ووٹر آئی ڈی چیک کی

تلنگانہ : بی جے پی کی امیدوار مادھوی لتا جو حیدرآباد سے ال انڈیا مجلس اتحاد المسلمین کے صدر بیرسٹراسد الدین اویسی کے خلاف الیکشن لڑ رہی ہیں،انتخابی مہم کےآغاز سے ہی تنازعات میں گھری ہوئی ہیں۔

 مادھوی لتا ایک پولنگ بوتھ کے دورے کے دوران ووٹر شناختی کارڈ کی جانچ کرتے ہوئے دکھائے جانے والے ایک ویڈیو کلپ کے منظر عام پر آنے کے بعد خود کو ایک تنازعہ کی زد میں آگئیں

 مادھوی لتا کو بوتھ کے اندر مسلم خواتین سے ان کے برقع اتارنے اور اپنے ووٹر شناختی کارڈ کی تصدیق کرتے ہوئے اپنی شناخت کرنے کے لیے کہتے ہوئے دیکھا جا سکتا ہے۔

بی جے پی امیدوارہ نے حیدرآباد کے ایک بوتھ میںکچھ مسلم خواتین ووٹرز کے آئی ڈی مانگے۔ اس کے چہرے سےنقا ب ہٹا کر آدھار کارڈ لیکرشناخت کےلئے ملایا۔جس کے بعد تنازعہ کھڑا ہوگیا ہے۔

BJP’s #Hyderabad MP candidate Madhavi Latha ( @Kompella_MLatha ) was seen verifying voters IDs of #Muslim womens voters during #LokSabhaElection2024.

A case is registered in Malakpet Police Station against Madhavi Latha under sections 171C, 186, 505(1)(c) of IPC and Section 132… pic.twitter.com/mu1AGK5dAs

— Mohd Dastagir Ahmed (@Dastagir_Hyd) May 13, 2024

واقعہ کی ویڈیو منظر عام پر آنے کے بعد مختلف سوشل میڈیا پلٹ فارم پر شدید اعتراض کیا جارہا ہے الیکشن کمیشن آف انڈیا سے مادھوی لتا کے خلاف سخت کارروائی کی مانگ کی جارہی

واقعہ کی ویڈیو منظر عام پر آنے کے بعد حیدرآباد کے ملک پیٹ پولیس اسٹیشن میں مادھوی لتا کے خلاف مقدمہ درج کیا گیا ہے۔ اس معاملے پر حیدرآباد کلکٹر نے کہا کہ مادھوی لتا کے خلاف عوامی نمائندگی ایکٹ کی دفعہ 171C، 186، 505(1)(C) اور سیکشن 132 کے تحت مقدمہ درج کیا گیا ہے۔

مادھوی لتا نے کہاکہ مجھے آئی ڈی چیک کرنے کا حق ہے مادھوی لتا نے کہاکہ میں امیدوار ہوں۔ قانون کے مطابق امیدوار کو فیس ماسک کے بغیر شناختی کارڈ چیک کرنے کا حق ہے۔

میں مرد نہیں ہوں، میں ایک عورت ہوں اور بڑی عاجزی کے ساتھ میں نے صرف اس سے درخواست کی ہے۔ اگر کوئی اس کو بڑا ایشو بنانا چاہتا ہے تو اس کا مطلب ہے کہ وہ خوفزدہ ہیں۔

اس سے قبل مادھوی لتا نے حیدرآباد لوک سبھا حلقہ کے اعظم پور میں پولنگ اسٹیشن نمبر 122 کا دورہ کیا تھا۔ انہوں نے ووٹر لسٹ میں بے ضابطگیوں کا الزام لگایا تھا اور کہا تھا کہ بہت سے ووٹروں کے نام نکال دیئے گئے ہیں۔

 انہوں نے الزام لگایا کہ یہاں سینئر سٹیزن ووٹر آ رہے ہیں، لیکن ان کے نام فہرست سے نکال دیے گئے ہیں۔ ان میں سے کچھ گوشہ محل کے رہنے والے ہیں، لیکن ان کے نام رنگاریڈی فہرست میں شامل کیے گئے ہیں۔