پریاگ راج:17؍مارچ
( زین نیوز ڈاٹ نیٹ)
بالی ووڈ کے مشہور گلوکارسونو نگم کے بعد اب الہ آباد سینٹرل یونیورسٹی کے وائس چانسلر پروفیسر سنگیتا شریواستوکو لاؤڈ اسپیکر پر اذان کے ساتھ پریشانی ہے جس کے بعد انھوں نے الہ آباد کمشنر سنجے گوئل ، آئی جی کویندر پرتاپ سنگھ ، ڈی ایم بھنوچند گوسوامی اور ایس ایس پی بیسٹ ترپاٹھی کو خطوط لکھتے ہوئے حکام کو شکایت کی ہے۔ وائس چانسلر اس خط کے بعدایک نیاتنازعہ کھڑاہوا ہے ۔
انھوں نے لکھا ہے کہ مسجد سے آذان کی تیز آواز سے انکی نیند یں اُڑ گئیں ہیں پروفیسر سنگیتا شریواستو نے پریاگراج کے ڈی ایم کو خط میں لکھا کہسول لائنز کی رہائش گاہ کے قریب مسجد سے صبح ساڑھے پانچ بجے مسجد میں لاؤڈ اسپیکر سے اذان کی آواز اتنی تیز آواز ہوتی ہےاور اس تیز آواز کی وجہ سےمیری نیند اڑجاتی ہےجس کی وجہ سے نیند پوری نہیں ہوتی ہے اور دن بھر سر درد ہوتا ہے اور اس سے اس کے کام کاج بھی متاثر ہوتا ہے۔
خط میں یہ بھی لکھا ہے کہ سحرکا اعلان اور عید کا اعلان کے صبح چار بجے سے کیا جاتا ہے۔ اس سے آس پاس کے لوگوں کو بھی پریشانی کا سامنا کرنا پڑتا ہے۔، لہذا اسے روکنا چاہئے۔
انھوں نے عدالت کے حکم کا حوالہ دیا
انھوں نے ضلعی مجسٹریٹ سے الہ آباد ہائیکورٹ میں دائر مفاد عامہ کی قانونی چارہ جوئی کے حکم کا حوالہ دیتے ہوئے جلد ہی ضروری ہدایات جاری کرنے کو کہا ہے تاکہ امن قائم ہوسکے اور اذان کی تیز آواز میں مبتلا افراد کو راحت مل سکے
پروفیسر سنگیتا سریواستو نے رواں ماہ 3 مارچ کو یہ خط لکھا تھا تاہم ، وہ پیر کے روز سے ہی چھٹی پر ہیں۔ ایسی صورتحال میں سائنس فیکلٹی کے ڈین پروفیسر پروفیسر شیکھر سریواستو سنبھال رہے ہیں۔ ان کے جانے کے بعد یہ خط وائرل ہوگیا ہے
خط میں ایک پرانی کہاوت کا بھی ذکر ہے۔ انھوں نے لکھا ، ‘جہاں آپ کی ناک شروع ہوتی ہے وہاں آپ کی آزادی ختم ہوجاتی ہے
واضح رہے کہ کچھ سال پہلے گلوکار اور اداکار سونو نگم نے اذان کی وجہ سے نیند میں خلل پڑنے کے بارے میں بھی بات کی تھی اور کہاکہ لاؤڈ اسپیکر پر اذان کے ساتھ انھیں پریشانی ہے جس کے بعد کافی ہنگامہ برپا ہوگیا ہے۔
