کانگریس کے برسراقتدار آتے ہی اساتذہ برادر ی کے مسائل کی یکسوئی

 کانگریس پارٹی نے  محبوب نگر۔رنگا ریڈی۔حیدرآباد ٹیچرس حلقہ سے تلنگانہ ریاستی قانون ساز کونسل کے آئندہ دو سالہ انتخابات میںگال ریڈی ہرش وردھن ریڈی کے امیدوار ی کی حمایت کا اعلان کیا۔

کانگریس ایم پی این اتم کمار ریڈی نے ٹی پی سی سی کے ورکنگ صدر مہیش کمار گوڑ اور دیگر قائدین کے ساتھ آج گاندھی بھون میں ایک پریس کانفرنس میں یہ اعلان کیا۔

 اتم کمار ریڈی نے اساتذہ برادری کیلئے ہرش وردھن ریڈی کی18سالہ طویل خدمات پر روشنی ڈالتے ہوئے کہا کہ پروگریسو رکگنائزڈ ٹیچرس یونین (پی آر ٹی یو)کے بانی قانون ساز کونسل میں اساتذہ کی نمائندگی کرنے کی صلاحیت اور تجربہ رکھتے ہیں۔اپنی حمایت کا اعلان کرنے کے ساتھ ساتھ اتم کمار ریڈی نے اساتذہ اور سرکاری عملہ کو کئی یقین دہانیاں بھی کرائیں۔

 انہوں نے کہا کہ اگر کانگریس اقتدار میں واپس آتی ہے  اساتذہ اور دیگر سرکاری ملازمین کے لئے سی آر ایس کو ختم کرکے پرانی پنشن اسکیموں کو بحال کرے گی جیسا کہ راجستھان، چھتیس گڑھ اور ہماچل پردیش میں کیا گیا  ۔ انہوں نے یہ بھی وعدہ کیا کہ متنازعہجی او317کو فوری طور پر ختم کردیا جائے گا۔

کانگریس ایم پی نے یہ بھی اعلان کیا کہ تمام رہائشی اسکولوں اور کالجوں کے اساتذہ کے ساتھ ساتھ KGBV اسکولوں میں کام کرنے والوں کو ہیلت کارڈ جاری کیے جائیں گے۔ انہوں نے ترقیوں اور تبادلوں کو منظم کرنے کا وعدہ کیا اور اس بات کو یقینی بنایا کہ تمام اساتذہ اور سرکاری عملے کو ہر ماہ کی یکم تاریخ کو ان کی تنخواہیں ادا کی جائیں۔

 انہوں نے یہ بھی عہد کیا کہ’’اگلی‘‘کانگریس حکومت اساتذہ کی تمام خالی جائیدادوں   کو پر کرے گی اور باقاعدہ پی آر سی اور ڈی اے کی ادائیگی جیسے مسائل کو حل کرے گی۔

انہوں نے بی آر ایس حکومت پر کنٹریکٹ لیکچررس سے کئے گئے وعدوں کو پورا کرنے میں ناکام ہونے کا الزام بھی لگایا اور وعدہ کیا کہ کانگریس پارٹی ترجیحی بنیادوں پر تمام کنٹریکٹ لیکچررس کی خدمات کو باقاعدہ بنائے گی۔

 انہوں نے بی آر ایس حکومت کے ذریعہ اساتذہ اور ان کی انجمنوں کی نظر اندازی اور تذلیل پر روشنی ڈالی اور کہا کہ حکمران جماعت کے ساتھ منسلک اساتذہ کے حلقوں سے ایم ایل سی کے طور پر منتخب ہونے والوں نے اساتذہ کے مفادات اور مسائل کو نظر انداز کیا ہے۔ انہوں نے یقین دلایا کہ ہرش وردھن ریڈی تمام اساتذہ کے حقوق کیلئے جدوجہد کریں گے

اور انہیں انصاف دلانے   کام کریں گے۔اتم کمار ریڈی نے محبوب نگر۔رنگا ریڈی۔حیدرآباد ٹیچرس حلقہ کے تمام اساتذہ سے اپیل کی کہ وہ ہرش وردھن ریڈی کو پہلی ترجیح ووٹ دے کر منتخب کریں۔