بھارتیہ جنتا پارٹی کے قومی عہدیداروں کی نئی ٹیم کا اعلان

پانچ ریاستوں میں ہونے والے اسمبلی انتخابات اور 2024 کے لوک سبھا انتخابات سے پہلے، بی جے پی صدر جے پی نڈا نے ہفتہ (29 جولائی) کو اپنی نئی ٹیم کا اعلان کیا۔ مرکزی عہدیداروں کی نئی ٹیم کی فہرست میں کل 38 نام ہیں۔ اس میں نئے اور پرانے چہروں کو ہم آہنگ کیا گیا ہے۔

بھارتیہ جنتا پارٹی کے صدر جگت پرکاش نڈا نے قومی عہدیداروں کی نئی ٹیم کا اعلان کیا ہے۔ 2024 کے لوک سبھا انتخابات سے پہلے قومی سطح پر تبدیلی کو بہت اہم سمجھا جا رہا ہے۔، کیونکہ وہ راجستھان، مدھیہ پردیش، چھتیس گڑھ اور تلنگانہ سمیت ریاستوں میں ہونے والے اسمبلی انتخابات کی تیاری کر رہی ہے۔ فہرست میں 13 نائب صدر، نو جنرل سکریٹری، بشمول بی ایل سنتوش تنظیم کے انچارج اور 13 سکریٹری ہیں۔

ان کے مطابق بی ایل سنتوش قومی تنظیم کے جنرل سکریٹری کے عہدے پر برقرار رہیں گے۔ شیو پرکاش کو نیشنل کو آرگنائزیشن جنرل سکریٹری کی ذمہ داری دی گئی ہے۔ راجیش اگروال کو خزانچی اور نریش بنسل کو شریک خزانچی بنایا گیا ہے۔

تین سابق وزرائے اعلیٰ ڈاکٹر رمن سنگھ، وسندھرا راجے سندھیا، رگھوبر داس کو قومی نائب صدر بنایا گیا ہے۔ مدھیہ پردیش سے سودان سنگھ کو قومی نائب صدر اور کیلاش وجے ورگیہ کو قومی جنرل سکریٹری کا عہدہ دیا گیا ہے۔

قومی جنرل سکریٹری ارون سنگھ کی طرف سے جاری کردہ فہرست کے مطابق اتر پردیش کے تین لوگوں کو قومی نائب صدر کی ذمہ داری دی گئی ہے۔مسلم ووٹروں کو راغب کرنے کے اقدام میں بھگوا پارٹی نے  ٹیم نڈا میں سب سے حیران کن نام قانون ساز کونسل کے رکن طارق منصور کا ہے۔

وہیں تلنگانہ کے سابق  صدر بنڈی سنجے کمار کو ہفتہ کو یہاں قومی جنرل سکریٹری مقرر کیا گیا جنھیں کچھ دنوں پہلے تلنگانہ کے بی جے پی کے صدر کے عہدہ سے ہٹا دیا گیا تھا

کرناٹک کے رہنما سی ٹی روی جو اقلیت مخالف تبصرے کے لیے مشہور ہیں کو ریاستی جنرل سکریٹری کے عہدے سے ہٹا دیا گیا۔

ذرائع سے پتہ چلتا ہے کہ انہیں پارٹی کے ریاستی صدر کے طور پر ترقی دیے جانے کا امکان ہے۔کانگریس کے بزرگ رہنما اے کے انٹونی کے بیٹے انیل انٹونی کو قومی سکریٹری کے طور پر لایا گیا ہے۔

واضح ہے کہ طارق منصور علی گڑھ مسلم یونیورسٹی کے وائس چانسلر رہ چکے ہیں۔ عہدے سے استعفیٰ دینے کے بعد یوگی آدتیہ ناتھ کی حکومت نے طارق منصور کو بطور تحفہ قانون ساز کونسل کا رکن نامزد کیا۔

اس کے بعد وہ کافی سرخیوں میں رہے۔ اب ایک بار پھر طارق منصور پر بہت اعتماد ظاہر کیا گیا ہے۔ انہیں قومی نائب صدر مقرر کیا گیا ہے۔ اس کے ذریعے بی جے پی قیادت نے بھی اقلیتوں کی مدد کرنے کی کوشش کی ہے۔

اپوزیشن ہمیشہ بی جے پی پر اقلیتوں کے مفادات کو نظر انداز کرنے کا الزام لگاتی رہی ہے۔ تین طلاق سے لے کر یکساں سول کوڈ تک، اپوزیشن پارٹیوں کے لیڈر ہمیشہ بی جے پی پر حملہ کرتے رہے ہیں۔

ایسے میں طارق منصور کو اتنی اہم ذمہ داری دے کر پارٹی یہ پیغام دینے کی کوشش کر رہی ہے کہ وہ تنظیمی سطح پر بھی سب کا ساتھ، سب کا وکاس اور سب کا وشواس کی حکمت عملی کے تحت کام کر رہی ہے۔ تنظیمی ردوبدل میں خواتین کے حصے کو بھی جگہ دی گئی ہے۔