تلنگانہ: بی جے پی ریاستی صدر کی گرفتاری، پارٹی شدید برہم 

تلنگانہ ریاستی بی جے پی صدر این رام چندر راؤ کو معین آباد پولیس نے اس وقت گرفتار کرلیا جب وہ مختلف طبقات کی شکایات کو دور کرنے میں کانگریس حکومت کی ناکامی کے خلاف احتجاج میں اس کا محاصرہ کرنے کے لئے سکریٹریٹ کی طرف جارہے تھے۔

تلنگانہ بی جے پی نے گریٹر حیدرآباد میں سیکریٹریٹ کے سامنے عوامی مسائل کے حوالے سے احتجاج کے لیے پروگرام بلایا تھا، جس کے دوران بی جے پی تلنگانہ کے ریاستی صدر این راما چندر راو کو معین آباد میں پولیس نے گرفتار کر لیا۔مرکزی وزیر بنڈی سنجے نے بی جے پی ریاستی صدر نے گرفتاری کو غیر قانونی اور ریاستی حکومت کی ناکامیوں کو چھپانے کی کوشش قرار دیا۔

 پارٹی رہنماؤں نے کہا کہ حکومت اپنی ناکامیوں کو بی جے پی کارکنان کی گرفتاری کے ذریعے چھپانے کی کوشش کر رہی ہے۔مرکزی وزارت داخلہ کے معاون وزیر بندی سنجے نے بھی گرفتاری کی سخت مذمت کی اور پولیس سے سوال کیا کہ پارٹی پروگرام میں حصہ لینے والے راما چندر راو کو کیوں گرفتار کیا گیا۔

ریاستی بی جے پی صدر کی گرفتاری کی مذمت کرتے ہوئے مرکزی وزیر مملکت برائے داخلہ بنڈی سنجے نے ریاستی حکومت سے وضاحت طلب کی کہ بی جے پی لیڈر کو کیوں گرفتار کیا گیا۔ جبکہ بی جے پی صدر لیڈروں کے ساتھ جمہوری طریقے سے احتجاج کر رہے تھے

 انہوں نے کہا کہ کانگریس حکومت بھی سابقہ بی آر ایس دور کی طرز پر کام کر رہی ہے۔بی جے پی رہنماؤں نے کہا کہ جمہوریت کے اصولوں کے تحت احتجاج کرنے والے کارکنان کو گرفتار کرنا شرمناک عمل ہے۔ انہوں نے حکومت سے مطالبہ کیا کہ فوری طور پر رام چندر راو اور گرفتار بی جے پی کارکنان کو رہا کیا جائے، بصورت دیگر کانگریس حکومت کو سخت نتائج بھگتنا پڑ سکتے ہیں