اخبار’سامنا‘ میں وزیر اعظم نریندر مودی کے خلاف مضمون پر سنجے راوت کے خلاف مقدمہ درج

شیوسینا (یو بی ٹی) کے لیڈر سنجے راوت کے خلاف ایوت محل پولیس نے پارٹی کے ترجمان اخبار سامنا میں وزیر اعظم نریندر مودی کے خلاف مبینہ طور پر قابل اعتراض مضمون لکھنے کے الزام میں مقدمہ درج کیا گہا ہے۔ایک پولیس عہدیدار نے میڈیا کو بتایا

انہوں نے کہا کہ سنجے راؤت کے خلاف شکایت درج کرائی گئی ہے جو کہ اخبار کے ایگزیکٹیو ایڈیٹر ہیں ان کے خلاف یہ شکایت بی جے پی ایوت محل کے کنوینر نتن بھٹڈا نے درج کروائی ہے۔ خبر رساں ایجنسی پی ٹی آئی کی خبر کے مطابق

شکایت کے مطابق نتن بھٹڈا  نے دعویٰ کیا کہ سنجے راوت نے 11 دسمبر کو وزیر اعظم نریندر مودی کے خلاف ایک قابل اعتراض مضمون  شائع کیا گیا ہے۔جیسا کہ شکایت میں تفصیل سے بتایا گیا ہے

پولیس افسر کے مطابق رکن راجیہ سبھا سنجے راوت کے خلاف تعزیرات ہند کی دفعہ 153 (A)، 505 (2) اور 124 (A) کے تحت عمرکھیڈ پولیس اسٹیشن میں مختلف گروہوں اور دیگر جرائم کے درمیان دشمنی کو فروغ دینے کے لیے مقدمہ درج کیا گیا ہے پولیس عہدیدار نے بتایا کہ ہم نے شکایت کے مطابق مقدمہ درج کر لیا ہے اور اس کی تحقیقات کریں گے۔

رکن راجیہ سبھا سنجے راوت کو اب اپنے ادارتی موقف کے لیے قانونی جانچ پڑتال کا سامنا ہے۔قانونی کارروائی اخبار سامنامیں  شائع مبینہ مواد کے ارد گرد تیز ہوتی ہوئی سیاسی گفتگو کی نشاندہی کرتی ہے

اس اقدام نے شیوسینا اور بی جے پی کے درمیان سیاسی تناؤ کو تیز کر دیا ہے، جس سے مہاراشٹر میں جاری سیاسی گفتگو کا ایک اور باب شروع ہو گیا ہے۔ قانونی کارروائی کا آغاز اس وقت ہوگا جب حکام الزامات کی تحقیقات کریں گے اور کیس سے متعلق شواہد اکٹھے کریں گے۔