کرناٹک میں 65 سالہ شخص کی داڑھی جلائی گئی 

کرناٹک کے کوپل ضلع کے گنگاوتی قصبے میں ایک 65 سالہ مسلمان شخص کو دو نامعلوم بائیک سواروں نے تشدد کا نشانہ بنایا اور جئے شری رام کا نعرہ لگانے پر مجبور کیا۔ متاثرہ کی شکایت کے بعد 30 نومبر کو ایف آئی آر درج کی گئی تھی۔

اطلاعات کے مطابق متاثرہ جس کی شناخت حسین صاب کے نام سے ہوئی ہے اپنی بیٹی کے ساتھ گنگاوتی میں ایک چھوٹے سے مکان میں رہتے ہیں۔ اپنی کمزور بینائی کی وجہ سے وہ کوپل اور وجئے نگر جیسی جگہوں پر بھیک مانگتےہیں۔

25 نومبر کی رات کو حسین صاب ہوساپیٹ سے گنگاوتی لوٹ رہےتھے۔ وہ آٹورکشہ کا انتظار کر رہا تھے کہ دو نامعلوم موٹر سائیکل سواروں نے اسے لفٹ کی پیشکش کی۔

تاہم، سواری شروع ہونے کے بعددونوں نے حسین صاب کو مارنا شروع کر دیا اور اسے زبانی گالیاں دیں۔ شکایت کے مطابق انہوں نے ان کی داڑھی بھی جلا دی اور اسے ‘جے شری رام کا نعرہ لگانے پر مجبور کیا۔ انہیں دیر سے مقامی ہسپتال میں داخل کرایا گیا جہاں ان کا علاج جاری ہے۔

 حسین صاب نے شکایت میں بتایا کہ یہ دونوں مجھے پمپ نگر علاقے کے قریب لے گئےمیرے ساتھ بدسلوکی کرنے لگےاور مجھے بائک سے دھکیل دیا۔ میں نے التجا کی کہ میں واضح طور پر نہیں دیکھ سکتا اور گھر واپس جانا چاہتا ہوں۔ انہوں نے مجھے جئے شری رام کا نعرہ لگانے پر مجبور کیااور ایسا کرنے کے باوجود انہوں نے مجھ پر حملہ کرنا بند نہیں کیا

انھوں نے کہاکہ حملہ آوروں نے شیشے کی بوتل توڑ دی اور شیشے کے تیز دھار ٹکڑے سے میری داڑھی کاٹنے کی کوشش کی۔ تاہموہ ناکام رہےتو ان میں سے ایک نے میری داڑھی جلا دی۔ میں نے سوچا کہ مجھے مار دیا جائے گا کیونکہ وہ مجھے مارتے رہے یہاں تک کہ چند چرواہے میرے رونے کی آواز سن کر موقع پر پہنچ گئے۔

ایف آئی آر درج کر لی گئی ہے پولیس نے تفتیش شروع کر دی ہے۔ ایک رپورٹ کے مطابق پمپ نگر علاقے میں بس اسٹینڈ اور اہم سڑکوں کے قریب سی سی ٹی وی فوٹیج کی جانچ کی جا رہی ہے۔

In a heinous act, a 65-years-old blind #Muslim man was beaten by a duo, forced to chant #JaiShriRam and burnt his beard in #Gangavati town of #Koppal, #Karnataka. FIR registered.

The victim #Husensab, who is currently undergoing treatment, is partially blind and makes his living… pic.twitter.com/sm50Ys6mZk

— Hate Detector 🔍 (@HateDetectors) December 1, 2023

دریں اثناسوشل ڈیموکریٹک پارٹی آف انڈیا (ایس ڈی پی آئی) نے اس واقعہ کے خلاف گنگا وتی میں تحصیلدار کے دفتر کے سامنے احتجاج کا منصوبہ بنایا ہے۔

ایس ڈی پی آئی کے ضلع صدر کوپل سلیم نے کہا "ہمارے ضلع میں زندگی کے تمام شعبوں کے لوگ ہم آہنگی سے رہتے ہیں۔ یہ سراسر ظلم ہے کہ ایک بے ضرر بوڑھے کو مارا پیٹا گیا اور مذہبی نعرے لگانے پر مجبور کیا گیا۔

ہم متاثرہ پر حملے اور ذہنی اذیت کے ذمہ دار دونوں کے خلاف کارروائی کا مطالبہ کر رہے ہیں۔ ایس ڈی پی آئی نے حسیصاب کے طبی اخراجات برداشت کرنے کا فیصلہ کیا ہے۔