گیان واپی  مسجد کیس : وارانسی کی عدالت نےمسلم فریق کا اعتراض مسترد کردیا

وارانسی کی عدالت نے گیان واپی کے ایک معاملے میں مسلم فریق کے اعتراض کو مسترد کر دیا ہےسول جج سینئر ڈیویژن فاسٹ ٹریک کورٹ مہیندر کمار پانڈے نے کرن سنگھ کی درخواست کو سماعت کے قابل سمجھا ہے۔

لیکن دونوں فریقین کو سننے کے بعد عدالت نے حکم دیا کہ اس کیس کی سماعت ممکن ہے۔ جس کی وجہ سے مسلم فریق کے اعتراض کو رد کر دیا گیا۔

 عرضی گزار کرن سنگھ نے گیان واپی  میں مسلمانوں کے داخلے کو روکنے، اس جگہ کو ہندوؤں کے حوالے کرنے اور شیولنگ کی پوجا کرنے کی اجازت مانگی۔ اب اس معاملے کی سماعت 02 دسمبر کو عدالت میں ہوگی۔

انجمن انتظامیہ مسجد کمیٹی نے اس پر اعتراض کیاتھاکمیٹی نے کہا تھا کہ کرن سنگھ ویزن کی درخواست قابل سماعت نہیں ہے۔ گیان واپی کیس میں 15 اکتوبر کو عدالت میں مسلم اور ہندو فریقین کے دلائل مکمل ہوئے۔ عدالت نے حکم کے لیے 27 اکتوبر کی تاریخ مقرر کی تھی۔

ساتھ ہی 18 اکتوبر تک فریقین کو تحریری دلائل دینے کو کہا گیا ہے۔ 14 نومبر کو عدالت نے اس کیس میں فیصلہ سنانے کے لیے 17 نومبر کی تاریخ دی تھی۔ اب 17 نومبر کو عدالت نے کرن سنگھ کی درخواست کو سماعت کے قابل سمجھا ہے۔

وشو ویدک سناتن سنگھ کے وکیل انوپم دویدی کے مطابق، عدالت نے اپنے حکم میں کہا ہے کہ یہ کیس قابل سماعت ہے۔ عدالت نے سماعت کی اگلی تاریخ 2 دسمبر مقرر کی ہے۔ اس سے قبل عدالت نے اس کیس کے سلسلے میں 17 نومبر کی تاریخ مقرر کی تھی۔

 یہ مقدمہ وشو ویدک سناتن سنگھ کے سربراہ جتیندر سنگھ ویسین اور دیگر کی اہلیہ کرن سنگھ ویزن کی جانب سے درج کیا گیا ہے۔ ہندو اور مسلم فریقین نے عدالت میں اپنے دلائل مکمل کر کے اس کی تحریری کاپی جمع کرائی تھی۔

 گیان واپی مسجد میں انتظامیہ نے صرف چند لوگوں کو نماز پڑھنے کی اجازت دی ہے۔ یہ وہ لوگ ہیں جو ہمیشہ یہاں نماز پڑھتے رہے ہیں۔ اس کے علاوہ یہاں کسی کو نماز پڑھنے کی اجازت نہیں ہے۔گیان واپی مسجد سے متصل کاشی وشوناتھ مندر کا کمپلیکس اب ایک نئے روپ میں عقیدت مندوں کو مائل کر رہا ہے۔