نئی دہلی:۔یکم؍جنوری
(زین نیوز ڈیسک)
ہریانہ کے وزیر کھیل اور اولمپیئن سندیپ سنگھ نے جونیئر ایتھلیٹکس خاتون کوچ کو ہراساں کرنےپر چندی گڑھ پولیس کی جانب سے جنسی طور پر ہراساں کرنے کا مقدمہ درج کیے جانے کے بعد اتوار کو استعفیٰ دے دیا۔
انہوں نے کہا کہ انہوں نے اپنا اسپورٹس پورٹ فولیو وزیر اعلیٰ منوہر لال کھٹر کو سونپ دیا ہے۔ تاہم انہوں نے کابینہ سے استعفیٰ نہیں دیا ہے۔سندیپ نے کہا کہ ان پر لگائے گئے الزامات ایک سازش ہے۔
محکمہ کھیل کی جونیئر خواتین کوچ نے سندیپ کے خلاف شکایت کی تھی۔ جس میں وزیر کھیل پر چھیڑ چھاڑ اور دھمکیاں دینے کا الزام لگایا گیا تھا۔
#WATCH | Haryana minister Sandeep Singh says he is handing over the responsibility of the Sports department to the CM, after allegations of sexual harassment levelled against Singh by a female coach. pic.twitter.com/0SyGFefyCL
— ANI (@ANI) January 1, 2023
چندی گڑھ کے سیکٹر 26 پولیس اسٹیشن میں درج کیس میں آئی پی سی کی دفعہ 354، 354 اے، 354 بی، 342 اور 506 کی درخواست کی گئی ہے۔ چندی گڑھ پولیس کے مطابق کیس درج کرنے کے بعد اس کی تحقیقات کی جارہی ہے۔
چندی گڑھ پولیس نے وزیر سندیپ سنگھ کے خلاف الزامات کی جانچ کے لیے ایک چار رکنی ایس آئی ٹی تشکیل دی ہے، جس میں ڈی ایس پی پالک گوئل، خواتین اور سائبر سیل کے سربراہان شامل ہیں۔
استعفیٰ دینے کے بعد سندیپ سنگھ نے کہا کہ میری شبیہ کو خراب کرنے کے لیے ماحول بنایا جا رہا ہے۔ خواتین کی ایک جونیئر کوچ نے مجھ پر الزامات لگائے ہیں۔
اخلاقیات کی بنیاد پر میں نے اپنا محکمہ کھیل وزیر اعلیٰ کے حوالے کیا ہے۔ اس معاملے میں تفتیش جاری ہے۔ اس معاملے کی رپورٹ آنے کے بعد ہی وزیر اعلیٰ اگلا فیصلہ کریں گے۔خاتون کوچ نے 4 سنگین الزامات لگائےوزیر نے اسنیپ چیٹ اور انسٹاگرام پر پیغامات بھیجے۔
خواتین کے کوچ نے بتایا کہ 2016 کے ریو اولمپکس میں شرکت کے بعد انہیں کھیل کے شعبے میں جونیئر کوچ کے طور پر بھرتی کیا گیا تھا۔ جس کے بعد سندیپ سنگھ نے انہیں انسٹاگرام اور اسنیپ چیٹ پر پیغامات بھیجے۔
پھر مجھے چندی گڑھ سیکٹر 7 لیک سائیڈ سے ملنے بلایا۔ میں نہیں گیا اس لیے وہ مجھے انسٹاگرام پر بلاک اور ان بلاک کرتے رہے۔ خواتین کی کوچ کے الزامات کے مطابق یکم جولائی کو وزیر نے انہیں اسنیپ چیٹ کال کی۔
جس میں مجھے دستاویز کی تصدیق کے لیے چندی گڑھ کے سیکٹر 7 میں اپنی رہائش گاہ پر آنے کو کہا گیا۔