نفرت انگیز تقریر پر بی جے پی لیڈروں کے خلاف ایف آئی آر کا مطالبہ

نے پیر کو کمیونسٹ پارٹی آف انڈیا سی پی آئی (ایم) لیڈروں برندا کرات اور کے ایم تیواری کی درخواست پر دہلی پولیس کو نوٹس جاری کیا۔ جس میں مرکزی وزیر انوراگ ٹھاکر اور بی جے پی لیڈر پرویش ورما کے خلاف 2020 میں دہلی فسادات کے دوران مبینہ نفرت انگیز تقریر پر ایف آئی آر درج کرنے کا مطالبہ کیا گیا تھا۔

جسٹس کے ایم جوزف اور جسٹس بی وی ناگرتنا کی بنچ نے دہلی پولیس سے تین ہفتوں کے اندر جواب طلب کیا۔ سماعت کے دوران، سپریم کورٹ نے کہا کہ پہلی نظر میں، مجسٹریٹ کا یہ کہنا غلط ہے کہ کسی معاملے میں ایف آئی آر درج کرنے کے لیے کسی کی منظوری کی ضرورت ہے۔

دہلی ہائی کورٹ نےسی پی آئی (ایم) لیڈروں کی اس عرضی پر سماعت کرنے سے انکار کر دیا تھا، جس پر 13 جون 2022 کو دہلی ہائی کورٹ میں سماعت ہوئی۔ ہائی کورٹ نے ٹرائل کورٹ کے حکم میں مداخلت کرنے سے انکار کر دیا تھا جس میں کہا گیا تھا کہ قانون کے تحت موجودہ حقائق میں ایف آئی آر کے اندراج کے لیے اعلیٰ اتھاریٹی کی منظوری ضروری ہے۔

ہائی کورٹ نے کہا تھا کہ دہلی پولیس نے اس معاملے کی ابتدائی تحقیقات کی تھی اور ٹرائل کورٹ کو بتایا تھا کہ ابتدائی طور پر کوئی جرم ثابت نہیں ہوا ہے۔ حکم جاری کرنے کے لیے ٹرائل کورٹ کو حقائق اور شواہد کا نوٹس لینا ہوگا۔

سی پی آئی (ایم) لیڈر کرت کی درخواست میں دو شکایات کی گئی ہیں کہ بی جے پی لیڈر انوراگ ٹھاکر اور پرویش ورما نے اشتعال انگیز تقریریں کی ہیں۔ درخواست کے مطابق، 27 جنوری 2020 کو انوراگ ٹھاکر نے ایک ریلی میں تقریر کی جس میں نعرہ لگایا گیا "دیش کے غداروں کو، گولی مارو سالوںکو”۔

اسی وقت، پرویش ورما نے 27-28 جنوری 2020 کو بھارتیہ جنتا پارٹی کے لیے مہم چلاتے ہوئے اور بعد میں میڈیا کو انٹرویو دیتے ہوئے ایسا ہی بیان دیا تھا۔ بتا دیں کہ اس دوران شہریت ترمیمی بل (سی اے اے) کے خلاف احتجاج جاری تھا۔