نریندر مودی کو شکست دینے کا ہم نے عہد لیا ہے، ہرا کر ہی مریں گے

اپوزیشن جماعتوں کے انڈین نیشنل ڈیولپمنٹ الائنس (انڈیا) کا تیسرا اجلاس ممبئی میں منعقد ہوا۔ اجلاس کے دوسرے روز یکم ستمبر کو اتحاد نے 13 رکنی رابطہ کمیٹی کا اعلان کیا۔ بعد میں کہا گیا کہ سی پی آئی (ایم) کے رکن کا نام بھی کمیٹی میں شامل کیا جائے گا۔ اس کے بعد اس کمیٹی میں 14 ارکان ہوں گے۔ اگلی میٹنگ (چوتھی) دہلی میں ہوگی۔

اپوزیشن کا اجلاس ختم ہونے کے بعد ساڑھے تین بجے پریس کانفرنس کی گئی۔ اس میں لالو پرساد یادو نے کہاکہ ہم نے عہد لیا ہے کہ مودی جی کو ہرا کر ہی مریں گے۔اس ملک میں (بی جے پی کے دور میں) اقلیتیں محفوظ نہیں ہیں۔ ملک میں غربت، اور بے روزگاری بڑھ رہی ہے

اجلاس میں 3 قراردادیں منظور کی گئیں۔ہم اگلے لوک سبھا انتخابات جہاں تک ممکن ہو مل کر لڑنے کا عزم کرتے ہیں۔ ریاستوں میں سیٹ شیئرنگ کا نظام فوری طور پر شروع کیا جائے گا۔

عوامی تشویش اور اہمیت کے مسائل پر جلد از جلد ملک بھر میں عوامی ریلیاں نکالیں گے۔انڈیا مختلف زبانوں میں جڑے گا، جیتیے گا انڈیا تھیم کے ساتھ تشہیر اور میڈیا کی حکمت عملی بنائی جائے گی۔

اجلاس میں دو اہم باتوں کا فیصلہ کیا گیا۔ پہلے رابطہ کمیٹی ہوگی اور دوسرا ہم سیٹ شیئرنگ پر قرارداد لائیں گے۔ ہم ایک کمیٹی بنا رہے ہیں جو پالیسیوں پر بات کرے گی اور ہم آپ کو دکھائیں گے کہ ہمارے پاس ملک کے کسانوں اور غریبوں کے لیے کیا وژن ہے۔

کانگریس صدر ملکارجن کھرگے نے کہاکہ سب کا مقصد ایک ہے، مودی مہنگائی کا کیا کریں گےبے روزگاری کا کیا کریں گے۔ پٹرول اور ڈیزل کی قیمتیں بڑھ رہی ہیں۔ مودی جی 100 روپے بڑھاتے ہیں اور 2 روپے کم کرتے ہیں۔ ایل پی جی کی قیمتیں دوگنی ہو گئی ہیں لیکن انہوں نے اسے 200 روپے کم کر دیا۔

200 روپے کم کرکے لوگوں کو دکھانا اور کہنا کہ میں غریبوں کے لیے کام کرتا ہوں۔ مودی جی کبھی غریبوں کے لیے کام نہیں کریں گے۔ وہ بڑے صنعت کاروں کے ساتھ مل کر کام کرتے ہیں۔ سی بی آئی ہو یا ای ڈی، ہر خود مختار ادارے کا غلط استعمال ہو رہا ہے۔ ایسا پہلے کبھی نہیں ہوا۔

ان کا مقابلہ کرنے کے لیے انڈیا کا جیتنا ضروری ہے۔ ہم سب اس پلیٹ فارم پر صرف انڈیا کو جیتنے کے لیے بیٹھے ہیں۔ ہم ہر ریاست کے دارالحکومت میں جائیں گے اور میٹنگ کریں گے۔ مودی جی جھوٹ بولتے ہیں لیکن لوگ اسے سچ سمجھتے ہیں۔ ہمیں اس کو بے نقاب کرنا ہوگا۔

نتیش کماروزیر اعلیٰ بہارنے کہاکہ ایک بار جب آپ ان (پی ایم نریندر مودی) سے آزادی حاصل کریں گے، تو آپ پریس لوگ آزاد ہوں گے، پھر آپ جو چاہیں گے لکھیں گے۔ آج کل دیکھا جا رہا ہے کہ وہ کوئی کام نہیں کر رہے بلکہ ان کی تعریفیں شائع ہو رہی ہیں۔

وہ ملک کی تاریخ بدلنا چاہتے ہیں ہم انہیں تاریخ نہیں بدلنے دیں گے۔ سب کی ترقی کریں گے، کسی کے ساتھ امتیازی سلوک نہیں ہونے دیں گے۔ سب کو آگے بڑھنا ہے۔جان لیں کہ وہ کسی بھی وقت الیکشن کروا سکتے ہیں۔ ہم نے اس پر بھی بحث کی ہے۔ تیاریاں بھی شروع کر دی گئی ہیں۔

VIDEO | "Minorities are not safe in this country (under BJP rule). Poverty, and unemployment are rising in the country," says RJD chief @laluprasadrjd at the INDIA alliance press conference in Mumbai. pic.twitter.com/iq1y8fsUoC

— Press Trust of India (@PTI_News) September 1, 2023

اروند کیجریوال وزیر اعلیٰ دہلی نے کہاکہ یہ انڈیا الائنس صرف چند 26-27 پارٹیوں کا اتحاد نہیں ہے۔ یہ ملک کے 140 کروڑ عوام کا اتحاد ہے۔ملک میں مودی سرکار انتہائی کرپٹ اور متکبر حکومت ہے۔ یہ غیر ملکی اخبارات میں شائع ہو رہا ہے۔ ایک شخص (گوتم اڈانی) بیرون ملک پیسہ لے جا رہا ہے اور پی ایم مودی اس کی مدد کر رہے ہیں۔ پوری حکومت ایک آدمی کے کام میں لگی ہوئی ہے۔

یہ لوگ (مودی حکومت) خود کو خدا سے بڑا سمجھنے لگے ہیں۔ انڈیا الائنس کی طاقت دیکھ کر اب یہ لوگ آپس میں لڑیں گے۔ روز خبریں آئیں گی کہ ہماری جگہ یہ ہوا، وہ ہوا۔ میں ذمہ داری کے ساتھ کہہ رہا ہوں کہ ہم یہاں بہت اچھا کر رہے ہیں۔ یہاں کوئی کسی عہدے کے لیے نہیں آیا۔سب نے آگے بڑھ کر ذمہ داری لی ہے

کانگریس ایم پی وایناڈ نے راہول گاندھی نے کہاکہ جو لوگ ڈائس پر ہیں وہ ملک کے 60 فیصد عوام کی نمائندگی کرتے ہیں۔ اگر ہم متحد ہو کر لڑیں گے تو بی جے پی جیت نہیں پائے گی۔ مجھے لگتا ہے کہ یہ اتحاد بی جے پی کو آسانی سے شکست دے گا۔ ترقی میں غریبوں اور کسانوں کو ساتھ لے کر چلیں گے۔ بی جے پی غریبوں سے پیسہ چھین کر چند منتخب لوگوں کو دیتی ہے۔

اب سیٹ شیئرنگ پر بات ہوگی۔ ایک تاجر اور وزیر اعظم کے درمیان گٹھ جوڑ ہے۔ کل میں نے مودی جی اور اڈانی جی کے تعلقات کے بارے میں بات کی تھی۔ ایک ارب ڈالر کا پیسہ ملک سے باہر گیا اور واپس آیا۔ مودی جی  G-20 کا انعقاد کر رہے ہیں  انہیں کہنا چاہئے کہ وہ انکوائری کرائیں گے۔

اجلاس میں دو اہم باتوں کا فیصلہ کیا گیا۔ پہلے رابطہ کمیٹی ہوگی اور دوسرا ہم سیٹ شیئرنگ پر قرارداد لائیں گے۔ ہم ایک کمیٹی بنا رہے ہیں جو پالیسیوں پر بات کرے گی اور ہم آپ کو دکھائیں گے کہ ہمارے پاس ملک کے کسانوں اور غریبوں کے لیے کیا وژن ہے۔