اسرائیل کی پرواز 75 سال میں پہلی بار سعودی عرب پہنچی۔ جدہ میں ہنگامی لینڈنگ

اسرائیل کے وزیراعظم بنجمن نیتن یاہو نے سعودی حکومت کا شکریہ ادا کیا ہے۔ اس کی وجہ یہ ہے کہ پیر کی رات سعودی حکومت نے ایک اسرائیلی پرواز کو جدہ ایئرپورٹ پر ہنگامی لینڈنگ کی اجازت دی تھی۔ اس دوران 128 اسرائیلی شہریوں نے اس شہر کے ایک ہوٹل میں رات گزاری۔

اسرائیل 1948 میں ایک الگ قابض ملک بن گیا۔ اس کے بعد یہ پہلا موقع ہے کہ کسی اسرائیلی پرواز نے سعودی عرب میں سرعام لینڈ کیا۔ دونوں ممالک کے درمیان سفارتی تعلقات نہیں ہیں۔ بعد ازاں کچھ مسافروں نے اعتراف کیا کہ وہ سعودی عرب میں اترتے وقت خوفزدہ تھے۔

ایئر سیشلز کے ایک طیارے نے پیر کی سہ پہر سیشلز سے اسرائیل کے انتظامی دارالحکومت تل ابیب کے لیے اڑان بھری۔ اس دوران طیارے کے برقی نظام میں خرابی پیدا ہوگئی۔ اس کی وجہ سے انجن فیل ہونے کا بھی خطرہ تھا۔

پائلٹ نے فوراً مدد کے لیے پکارا۔ قریب ترین سعودی عرب کا جدہ ایئرپورٹ تھا لیکن اسرائیل اور سعودی عرب کے درمیان کوئی سفارتی تعلقات نہیں ہیں۔ اس لیے وہاں اترنے کی اجازت ملنا مشکل تھا۔

تاہم پرواز میں موجود 128 اسرائیلی شہریوں کی جان بچانے کے لیے کچھ بیک ڈور سفارتی کوششیں کی گئیں۔ جس کے بعد پرواز کو جدہ میں ہنگامی لینڈنگ کی منظوری مل گئی۔

جب یہ پرواز جدہ ایئرپورٹ پر اتری تو اس میں موجود تمام 128 مسافروں کو ایئرپورٹ کی عمارت میں لایا گیا۔ اس کے بعد وہ کچھ دیر یہاں رہے۔

جب یہ طے پایا کہ پرواز تل ابیب کے لیے پرواز نہیں کر سکے گی تو تمام مسافروں کو خصوصی بس کے ذریعے قریبی ہوٹل لے جایا گیا۔ ان لوگوں نے رات یہیں گزاری۔

اس کے بعد منگل کی سہ پہر سیشلز سے ایک طیارہ جدہ پہنچا۔ تمام مسافر اس میں بیٹھ گئے اور اس کے بعد پرواز نے تل ابیب کے لیے اڑان بھری۔ اس دوران کچھ مسافروں کو ایئرپورٹ حکام کا شکریہ ادا کرتے ہوئے بھی دیکھا گیا۔

اسرائیلی مسافر بس کو ہوائی اڈے سے ہوٹل اور ہوٹل سے ہوائی اڈے کے راستے میں سعودی عرب کے خصوصی دستوں نے سیکوریٹی فراہم کی تھی۔

بعد ازاں اسرائیلی وزیراعظم بنجمن نیتن یاہو نے سوشل میڈیا پر سعودی عرب کی حکومت کا شکریہ ادا کیا۔ کہاکہ سعودی عرب نے اپنے شہریوں کی مدد کے لیے جو جذبہ دکھایا ہے۔ اس کیلے شکریہ۔ نیتن یاہو کی یہ پوسٹ عبرانی کے ساتھ ساتھ عربی اور انگریزی میں بھی پوسٹ کی گئی تھی۔