کرناٹک: بس اور کار میں خوفناک تصادم، 2 بچوں سمیت 10 افراد ہلاک
میسور:۔29؍مئی
(زین نیو ز ڈیسک)
کرناٹک سے ایک افسوسناک خبر سامنے آئی ہے۔ معلومات کے مطابق، تیرماکڈلو۔نرسی پور کے قریب ایک بس اور کار میں خوفناک تصادم ہوا، جس میں دو بچوں سمیت 10 لوگوں کی موت ہو گئی ہے۔
خبر رساں ایجنسی اے این آئی کے مطابق میسور کی سپرنٹنڈنٹ آف پولیس سیما لاٹکر نے بتایا کہ تروماکڈلو-نرسی پور کے قریب ایک پرائیویٹ بس اور کار میں تصادم ہوا۔ دیگر اطلاعات کے مطابق کار میں سوار ایک شخص بچ گیا ہے اور اس کا علاج جاری ہے۔
واقعے کی اطلاع ملتے ہی پولیس انتظامیہ کی ٹیم موقع پر پہنچ گئی، کسی طرح نعشوں کو گاڑیوں سے نکال کر پوسٹ مارٹم کے لیے بھیج دیا۔ حادثہ اتنا خوفناک تھا کہ دونوں گاڑیوں کے پرخچے اڑ گئے۔ ۔ فی الحال پولیس نے کیس درج کرکے تحقیقات شروع کردی ہے۔
بتایا جا رہا ہے کہ یہ واقعہ کولے گالا۔ٹی نرسی پورہ مین روڈ پر کوروبورو گاؤں کے قریب پیش آیا۔ ذرائع کے مطابق دونوں گاڑیوں کے درمیان براہ راست تصادم کے باعث کار مکمل طور پر تباہ ہو گئی ہے۔ زخمیوں کو علاج کے لیے مختلف ہسپتالوں میں لے جایا گیا ہے۔
متاثرین ہنور تعلقہ کے مالے مہادیشورا مندر سے ملٹی یوٹیلیٹی گاڑی (ٹویوٹا انووا) میں واپس آرہے تھے کہ مخالف سمت سے آنے والی ایک پرائیویٹ بس سے ٹکرا گئی۔ ٹکرانے کی وجہ سے گاڑی کو بہت زیادہ نقصان پہنچا ہے۔بس کولیگل کے لیے روانہ تھی۔
پولیس نے بتایا کہ ملٹی یوٹیلیٹی گاڑی (ٹویوٹا انووا) میں 13 افراد سوار تھے جن میں چار بچے اور خواتین شامل ہیں۔ حادثہ جین برادری کی پنجرپول سوسائٹی کے مویشیوں کی دیکھ بھال کے مرکز پنجرپول کے قریب پیش آیا۔
پولیس سپرنٹنڈنٹ سیما لاٹکر کے مطابق مہلوکین کی شناخت منجوناتھ (35)، پورنیما (30)، پون (10)، کارتک (8)، سندیپ (24)، سجتا (40)، کوتریش (45)، گیاتری (35)، شرویہ (3) کے طور پر ہوئی ہے۔ ڈرائیور آدتیہ۔ زخمی ہیں: ششی کمار، پونیتھ اور جناردھن، جنہیں علاج کے لیے ہسپتال میں داخل کرایا گیا ہے، پولیس نے بتایا کہ بس سے حادثے کی سی سی ٹی وی کیمرے کی فوٹیج دستیاب ہے۔
Disturbed by the unfortunate accident near T Narasipura of Mysuru district that killed 10 innocent people.
Rs 2 lakh compensation shall be provided to the families of the deceased from CM relief fund.
I have directed the concerned officials to ensure proper treatment for the…
— CM of Karnataka (@CMofKarnataka) May 29, 2023
کرناٹک کے وزیر اعلیٰ سدارامیا نے حادثے پر تعزیت کا اظہار کیا ہے اور ہلاک ہونے والوں کے اہل خانہ کو مالی مدد فراہم کرنے کا اعلان کیا ہے۔ وزیر اعلیٰ کے دفتر نے ٹویٹ کیا، "میں میسور ضلع کے ٹی نرسی پورہ کے قریب پیش آنے والے اس بدقسمت حادثے سے بہت رنجیدہ ہوں جس میں 10 لوگوں کی موت ہو گئی۔
مرنے والوں کے لواحقین کو وزیر اعلیٰ ریلیف فنڈ سے دو دو لاکھ روپے کا معاوضہ دیا جائے گا۔ متعلقہ حکام کو زخمیوں کا مناسب علاج یقینی بنانے کی ہدایت کی گئی ہے۔
وزیر اعظم نریندر مودی نے بھی میسور کے قریب حادثے پر غم کا اظہار کیا ہے اور مالی مدد کا اعلان کیا ہے۔ پی ایم مودی نے ٹویٹ کیا، ’’کرناٹک کے میسور میں ہونے والے المناک حادثے سے بہت دکھی ہوں۔ میرے خیالات ان خاندانوں کے ساتھ ہیں جنہوں نے اپنے پیاروں کو کھو دیا ہے۔ میں زخمیوں کی جلد صحت یابی کے لیے دعا گو ہوں