تلنگانہ : کورٹلہ میں سافٹ ویئر انجینئر کی مشتبہ حالات میں موت
بہن عاشق کے ساتھ فرار۔پولیس مصروف تحقیقات
کورٹلہ:۔30؍اگست
(زین نیوز)
جگتیال ضلع کے کورٹلہ منڈل میں ایک سافٹ ویئر انجینئر کی مشتبہ حالات میں موت ہوگئی۔ جو حیدرآباد کی ایک کمپنی میں (ورک فرم ہوم)گھر سے کام کر رہی تھی۔اس واقعہ کے بعد شہرکورٹلہ میں ہلچل مچ گئی ہے۔ کورٹلہ پولیس کے مطابق دیپتی (24) منگل کو اپنےمکان میں مشتبہ حالات میں مردہ پائی گئی
تفصیلات کے مطابق شہر کورٹلہ کے بہیمن دبا سے تعلق رکھنے والےبی سرینواس ریڈی اور مادھوی رشتہ داروں کی ایک تقریب میں شرکت کے لیے حیدرآباد گئے ہوئے تھے۔گھر پر ان کی بڑی لڑکی دیپتی سافٹ ویئر انجینئر‘ اور چھوٹی لڑکی چندنا جس نے بی ٹیک کیا گھر پر موجود تھیں۔ جبکہ ایک لڑکا بنگلورو میں ہے
بی سرینواس ریڈی اور مادھوی نے پیر کی رات فون پر اپنی دونوں بیٹیوں سے بات کی دوسرے دن منگل کی سہ پہر دوبارہ انھوں نے اپنی بیٹوں سے بات کرنے کے لئے فون ملایا تو بڑی لڑکی دپتی کو کئی بار فون کیا نہیں اٹھا ئی جبکہ چھوٹی لڑکی کا فون بند آرہا تھا۔
پریشان والدین نے اپنے پڑوسیوں کو فون کیا اور ان سے درخواست کی کہ وہ اپنی بیٹیوں کی جانچ کریں۔ پڑوسی گھر گئے اور دیپتی کو مردہ حالت میں پایا جب کہ چندنا لاپتہ تھی۔
అక్క అనుమానస్పద మృతి.. బాయ్ ఫ్రెండ్తో కలిసి పారిపోయిన చెల్లెలు
కోరుట్ల – భీమునిదుబ్బలో నివాసం ఉండే బంక శ్రీనివాస్ రెడ్డి, మాధవి దంపతులకు ముగ్గురు సంతానం కాగా పెద్ద కూతురు దీప్తి సాఫ్ట్వేర్ ఇంజనీర్ జాబ్ చేస్తూ వర్క్ ఫ్రం హోం చేస్తుంది. చిన్న కూతురు చందన బీటెక్ పూర్తి చేసి ఇంటి… pic.twitter.com/evy44vzLO3
— Telugu Scribe (@TeluguScribe) August 30, 2023
جس کے بعد پڑوسیوں نے اس واقعہ کی اطلاع پولیس کو دی موقع پر پہنچی پولیس نے دیپتی کی نعش صوفے پر پائی۔ کچن میں شراب کی دو بوتلیں، ٹھنڈے مشروبات کی بوتلیں اور کچھ ناشتے کے پیکٹ پڑے ہوئےملے۔پولیس کو شبہ ہے کہ دیپتی کی موت شراب پینے کے بعد ہوئی ہوگی گھر میں ووڈکا، بریزر، سرکہ ( وینیگر) اور لیموں موجود تھے۔
معاملے کی اطلاع ملتے ہی ڈی ایس پی رویندر ریڈی، کورٹلہ اور مٹ پلی کے سی آئیز پروین کمار، لکشمی نارائنا اور ایس ایس آئی کرن کمار موقع پر پہنچے اور معائنہ کیا۔
پولیس نے بعش کو بغرض پوسٹ مارٹم کے لیے بھیج دیادوسری طرف چھوٹی لڑکی چندنا کے لاپتہ ہونے کے بعد پولیس نےچندنا کی تلاش شروع کردیانہوں نے بس اسٹینڈ کے سی سی ٹی وی فوٹیج کو اسکین کیا اور پتہ چلا کہ وہ ایک نوجوان کے ساتھ تقریباً 5.30 بجے نظام آباد کے لیے بس میں سوار ہوئی تھی۔
ڈپٹی سپرنٹنڈنٹ آف پولیس رویندر ریڈی نے کہا کہ وہ چندنا اور نامعلوم نوجوان کا سراغ لگانے کی کوشش کر رہے ہیں۔ والدین کی شکایت پر پولیس نے مشتبہ حالات میں موت کا مقدمہ درج کر لیا۔۔ پولیس کو شبہ ہے کہ سی سی ٹی وی فوٹیج میں نظر آنے والا نوجوان اس کا بوائے فرینڈہوسکتا ہے
والد کی شکایت کے مطابق مشتبہ موت کا مقدمہ درج کیا گیا ہے۔ پولیس نے بتایا کہ چندنا اور اس کے ساتھ موجود نوجوان کو تلاش کر رہے ہیں۔ کیا شراب پی کر دونوں نے مل کر دیپتی کو مارا؟ پولیس مختلف گوشوں سے بھی تفتیش کر رہی ہے۔