بی جے پی ایم پی کے پارلیمنٹ میں مسلم رکن پارلیمنٹ کے خلاف ناشائستہ، غیر پارلیمانی اسلامو فوبک ریمارکس

بی جے پی ایم پی کے پارلیمنٹ میں مسلم رکن پارلیمنٹ کے خلاف ناشائستہ، غیر پارلیمانی اسلامو فوبک ریمارکس
اپوریشن کا متنازعہ ریمارکس پر ہنگامہ اسپیکر سے کارروائی کا مطالبہ
بی جے پی ایم پی کی شرمناک حرکت ایوان کے وقار پر دھبہ : راہول گاندھی
مسلمانوں کے ساتھ بدسلوکی بی جے پی کی ثقافت کا ایک لازمی حصہ : مہوہ موئترا

 جنوبی دہلی کی نمائندگی کرنے والے بی جے پی رکن پارلیمنٹ رمیش بدھوری نے لوک سبھا میں  بہوجن سماج پارٹی رکن کنور دانش علی کے خلافے متنازعہ خلاف قابل اعتراض ریمارکس اور  جارحانہ  اشتعال انگیز تبصرہ کیا۔

رمیش بدھوری کے ریمارکس اگرچہ اب خارج کردیئے گئے ہیں اپوزیشن نے اس کے خلاف کارروائی کرنے کا اسپیکر سے مطالبہ کرتے ہوئے رکن پارلیمنٹ کی اس طرح کے رویہ پر  شدید اعتراضات اوربرہمی کا اظہار کیا ۔

بی جے پی کے رکن پارلیمنٹ رمیش بدھوری نے جمعہ کو چندریان 3 مشن پر بحث کے دوران لوک سبھا میں بی ایس پی ایم پی کنور دانش علی  کے خلاف قابل اعتراض تبصرہ کیا۔انھوں نے دانش علی کے خلاف انگلی دیکھاتے ہوئے فرقہ وارانہ گالیاں ، ملا، کٹوئے‘ آتنکاوادی‘ اور اگروادی جیسے اسلامو فوبک گالیوں کا استعمال کیا۔

جیسے ہی رمیش بدھوری دانش علی کے خلاف توہین آمیز تبصرہ کر رہے تھے، ان کی پارٹی کے ساتھی اور سابق مرکزی وزیر ہرش وردھن ہنستے ہوئے نظر آئے۔ ان کے ریمارکس سے اپوزیشن ممبران نے شدید برہمی کا اظہار کیا۔ جنہوں نے بی جے پی ایم پی کے خلاف کارروائی کا مطالبہ کیا۔

بہوجن سماج پارٹی ایم پی دانش علی نے لوک سبھا اسپیکر اوم برلا کو لکھا کہ لوک سبھا میں بی جے پی ایم پی رمیش بدھوری کی بدسلوکی ان کے لیے ایک اقلیتی رکن کی حیثیت سے دل دہلا دینے والی تھی۔ بی ایس پی ایم پی نے لکھاکہ یہ انتہائی بدقسمتی کی بات ہے

اور حقیقت یہ ہے کہ یہ آپ کی قیادت میں پارلیمنٹ کی نئی عمارت میں ہوا ہے بحیثیت اسپیکر اس عظیم قوم کے اقلیتی رکن اور پارلیمنٹ کے ایک منتخب رکن کے طور پر میرے لیے واقعی دل دہلا دینے والا ہے۔

Mullah
Aatankwadi
Katwa
Ugrawadi

Filthy language used by a BJP parliamentarian for fellow MP from BSP @KDanishAli . No shame left. This is sickening.
Will speaker LS take note and take action?
pic.twitter.com/Bw8VNyA3JM

— Priyanka Chaturvedi🇮🇳 (@priyankac19) September 22, 2023

دانش علی نے کہا کہ وزیر اعظم کے مطابق ہم جمہوریت کی ماں ہیں اور ہمیں اس پر فخر ہے۔ جمہوریت کی ماں کے مندر میں ایک منتخب رکن کے خلاف جس قسم کی زبان استعمال کی گئی وہ ناقابل تصور ہے بی ایس پی رکن پارلیمنٹ نے کہاکہ میں کل اسپیکر سے نہیں مل سکا۔

میں نے انہیں ایک خط لکھا ہے اور مجھے یقین ہے کہ بی جے پی کے رکن پارلیمنٹ کے خلاف مناسب کارروائی کی جائے گی۔ دانش علی نے مطالبہ کیا ہے کہ ایوان کے فلور پر بدھوری کی بدزبانی کا معاملہ استحقاق کمیٹی کو بھجوایا جائے۔

 بی جے پی ایم پی بیدھوری کے تضحیک آمیز تبصروں کی مذمت کرنے کے لیے متعدد اپوزیشن لیڈر سوشل میڈیا پر آئے۔

عام آدمی پارٹی ایم پی سنجے سنگھ نے کہاکہ بی جے پی غنڈہ گردی کر رہی ہے۔بیدھوری کی زبان ایک غنڈے، مافیا کی زبان ہے۔ دانش علی کی توہین اپوزیشن کے تمام ارکان پارلیمنٹ کی توہین ہے۔ مجھے منی پور کا مسئلہ اٹھانے پر معطل کیا گیا، اس کے خلاف کارروائی کیوں نہیں ہو رہی؟

ٹی ایم سی لیڈر مہوا موئترا مسلمانوں اور او بی سی کو گالی دینا بی جے پی کا کلچر ہے۔ بہت سے لوگ اب اس میں کچھ غلط نہیں دیکھتے ہیں۔ پی ایم مودی نے ہندوستانی مسلمانوں کو اپنی ہی سرزمین پر خوف کے مارے رہنے پر مجبور کر دیا ہے۔ ایم پی مہوا موئترا نے لوک سبھا اسپیکر اوم برلا پر زور دیا کہ وہ بیدھوری کے خلاف کارروائی کریں۔ لوک سبھا اسپیکر سے معاملہ استحقاق کمیٹی کو بھیجنے کی اپیل کی

کل ہند مجلس اتحاد المسلین کے صدر و رکن پارلیمنٹ حیدرآبادبیرسٹر اسد الدین اویسی نے کہاکہ مجھے یقین ہے کہ بیدھوری کے خلاف کوئی کارروائی نہیں کی جائے گی۔

امکان ہے کہ انہیں بی جے پی دہلی کا ریاستی صدر بنایا جا سکتا ہے۔ آج ہندوستان میں مسلمانوں کے ساتھ وہی سلوک کیا جا رہا ہے جیسا کہ ہٹلر کے جرمنی میں یہودیوں کے ساتھ کیا گیا تھا۔

بی ایس پی صدر مایاوتی ۔ اسپیکر نے دانش علی کے خلاف ایوان میں کیے گئے قابل اعتراض ریمارکس کو ریکارڈ سے ہٹا دیا ہے اور انہیں خبردار بھی کیا ہے۔ سینئر وزیر نے ایوان میں معافی مانگ لی ہے لیکن پارٹی نے ان کے خلاف کارروائی نہیں کی جو کہ افسوس ناک ہے۔

بی جے پی صدر جے پی نڈا نے اس تنازعہ کے درمیان بدھوری کو وجہ بتاؤ نوٹس جاری کیا ہے۔لوک سبھا میں بی ایس پی رکن دانش علی کے خلاف قابل اعتراض الفاظ استعمال کرنے پر وجہ بتاؤ نوٹس جاری کیا۔ بی جے پی ذرائع نے بتایا کہ پارٹی نے غیر پارلیمانی الفاظ استعمال کرنے پر جنوبی دہلی کے رکن پارلیمنٹ سے جواب طلب کیا ہے۔

 بیدھوری نے جمعرات کو لوک سبھا میں علی کے خلاف توہین آمیز الفاظ کا استعمال کیا تھا۔ لوک سبھا کے اسپیکر اوم برلا نے بعد میں ان الفاظ کو کارروائی سے ہٹا دیا۔

کانگریس لیڈر راہول گاندھی جمعہ کی شام علی کی رہائش گاہ پہنچے اور ان سے گلے ملے۔ کانگریس تنظیم کے جنرل سکریٹری کے سی وینوگوپال بھی ان کے ساتھ تھے۔ کانگریس نے اس میٹنگ کی تصویر سوشل میڈیا پر شیئر کی ہے۔ کانگریس نے ‘X’ پر پوسٹ کیا ۔

بی جے پی ایم پی رمیش بدھوری نے پارلیمنٹ میں کنور دانش علی کی توہین کی تھی اور انہیں انتہائی غیر اخلاقی اور غیر پارلیمانی گالیوں سے تعبیر کیا تھا۔ اس وقت بی جے پی کے دو سابق وزیر فحش انداز میں ہنستے رہے…

رمیش بدھوری کی یہ شرمناک اور گھٹیا حرکت ایوان کے وقار پر دھبہ ہے۔ پورے ملک کے ساتھ کانگریس جمہوریت کے مندر میں نفرت اور نفرت کی ایسی ذہنیت کے سخت خلاف ہے۔