نظام آباد: پارک کی گئی کار سے دیڑھ کلو سونے کے زیورات کا سرقہ

ضلع نظام آبادکے آرمور میں جمعہ کی شام پارک کی گئی سے ڈیڑھ کلو سونے کے زیورات چوری ہوگئے۔ذرائع کے مطابق ڈاکٹر پوار ایشور چندر نے آرمور کوآپریٹیو بینک میں اپنے لاکر سے سونے کے زیورات نکالے تھے اور اپنی گاڑی میں ایک بیگ میں رکھ لیے تھے۔

مہالکشمی کالونی میں گھر پہنچنے سے پہلے انہوں نے مہالکشمی مندر کا دورہ کیا اور پوجا کی۔ جب وہ مندر سے واپس آیا تو اس نے دیکھا کہ کار سے سونے کا بیاگ غائب ہو گیا تھا۔ڈاکٹر ایشور چندر نے فوری طور پر آرمور پولیس کو اطلاع دی۔

ایڈیشنل ڈپٹی کمشنر آف پولیس ایس جے رام نے جائے وقوعہ کا دورہ کیا اور واقعہ کے بارے میں دریافت کیا۔ڈاکٹر ایشور چندر محکمہ طبی اور صحت سے ریٹائر ہوئے ہیں اور آرمور میں پرانے پولیس اسٹیشن کے قریب ایک کلینک چلاتے ہیں۔پولیس نے مقدمہ درج کر لیا ہے اور تفتیش کر رہی ہے۔

آرمور پولیس  ڈاگ اسکواڈ کی مدد سارقوں کا پتہ چلانے  میں مصروف ہے پولیس نے بتایا کہ دو کلوز ٹیم کے  ماہرین کار سے ملزمان کے فینگر پرنٹ کے نمونے حاصل کرلیے ہیں خصوصی ٹیم کے تحت پولیس ٹیمیں اس سرقہ کی تحقیقات میں مصروف ہیں۔