بی جے پی ایم پی پرگیہ سنگھ ٹھاکر کے خلاف کارروائی کا مطالبہ

بھوپال سے بی جے پی کی رکن پارلیمنٹ پرگیہ سنگھ ٹھاکر اپنے کٹر ہندوتوا خیالات اور متنازعہ بیانات کی وجہ سے ہمیشہ سرخیوں میں رہتی ہیں۔ اب 100 سے زیادہ سابق نوکرشاہوں نے ہفتہ کو بی جے پی رکن پارلیمنٹ پرگیہ ٹھاکر کے کیا۔

بیوروکریٹس نے یہ مطالبہ کرناٹک میں ان کی مبینہ اشتعال انگیز تقریر کے حوالے سے کیا ہے۔ بیوروکریٹس نے کہا ہے کہ پرگیہ ٹھاکر کا بیان غیر ہندو برادریوں کے خلاف نفرت کو ہوا دینے والا ہے۔ پرگیہ ٹھاکر نے کرناٹک کے ہندوؤں سے مطالبہ کیا کہ وہ اپنے گھروں میں چھریاں اور چاقو تیز رکھیں۔

ایک کھلے خط میں، سابق بیوروکریٹس نے کہا ہے کہ ٹھاکر اپنی اشتعال انگیز تقریر اور ملک میں نفرت پھیلانے کے بعد ممبر پارلیمنٹ بننے کا اپنا اخلاقی حق کھو چکی ہیں۔ پارلیمنٹ کے ایوانوں پر ایک خاص ذمہ داری عائد ہوتی ہے جو ملک کے لیے قانون بناتے ہیں۔

 یقینی طور پر اس کے ارکان کو آئین کے اصولوں کی خلاف ورزی کی اجازت نہیں دی جا سکتی۔ لہذا، ہم لوک سبھا کے معزز اسپیکر سے اس معاملے میں فوری ایکشن لینے کی درخواست کرتے ہیں۔ لوک سبھا کی اخلاقیات کمیٹی ایسی کارروائی کے لیے موزوں سمجھی جا سکتی ہے۔

قابل غور بات یہ ہے کہ پرگیہ ٹھاکر نے 25 دسمبر کو شموگہ میں کہا تھا کہ ہندوؤں کو ان پر اور ان کی عزت پر حملہ کرنے والوں کو جواب دینے کا حق ہے۔ اس کے ساتھ انہوں نے ہندوؤں سے اپیل کی کہ وہ اپنے گھر کی چھریاں اور چاقو تیز رکھیں۔

سابق بیوروکریٹس نے اپنے خط میں کہاکہ تاہم، ایسا لگتا ہے کہ  پرگیہ ٹھاکر واضح طور پر غیر ہندو برادریوں کے خلاف نفرت پھیلا رہے ہیں، اور ان کے خلاف تشدد کی وکالت کر رہے ہیں،

سابق بیوروکریٹس میں دہلی کے سابق لیفٹیننٹ گورنر نجیب جنگ، سابق خارجہ سکریٹری شیو شنکر مینن، سابق انڈین پولیس سروس (آئی پی ایس) افسران اے ایس دلت، جولیو ریبیرو، امیتابھ ماتھر، انڈین ایڈمنسٹریٹو سروس (آئی اے ایس) کے سابق افسران ٹی کے اے نائر اور کے سجتا راؤ شامل ہیں۔

 شامل سابق بیوروکریٹس نے کہا ہے کہ اپنے اشتعال انگیز الفاظ کے ساتھ، پرگیہ ٹھاکر نے نہ صرف انڈین پینل کوڈ کے تحت کئی جرائم کا ارتکاب کیا ہے، بلکہ انہوں نے آئین ہند کو برقرار رکھنے کے لیے بطور رکن پارلیمنٹ اپنے حلف کی بھی خلاف ورزی کی ہے