ساتویں نظام کے پوتے نواب میر نجف علی خان نے کانگریس میں شمولیت اختیار کرلی

حیدرآباد کے ساتویں نظام میر عثمان علی خان کے پوتے اور شہزادہ ہشام جاہ بہادر کے بیٹے نواب میر نجف علی خان نے اتوار کو پارٹی صدر ملکارجن کھرگے اور دیگر سینئر کانگریس قائدین کی موجودگی میں کانگریس میں شمولیت اختیار کرلی۔

وہ نظام خاندان کے پہلے شخص ہیں جنہوں نے سیاست میں شمولیت اختیار کی۔ مسٹر میر نجف علی خان نے پارٹی میں شامل ہونے کے بعد کہا کہ نظام کی چار نسلیں گاندھی خاندان سے وابستہ تھیں اور کانگریس میں شامل ہونا اس کی ایک توسیع ہے۔ اب ہم نے پارٹی میں شامل ہو کر اسے باضابطہ بنا دیا ہے

 مسٹر ملکا ارجن کھرگے نے کہا کہ نظام خاندان نے جواہر لعل نہرو سے لے کر راہول گاندھی تک قوم کے لیے اہم کردار ادا کیا۔  نظام خاندان نے چین کے ساتھ جنگ ​​کے دوران ہندوستان کے سابق وزیر اعظم آنجہانی لال بہادر شاستری کو کئی ٹن سونا دیا تھا۔