منت کے دروازے پر شاہ رخ خان کی ہیروں سے جڑی نام کی تختی

شاہ رخ خان کا باندرہ میں واقع رہائش گاہ ( بنگلہ) ‘منت’ ایک بار پھر خبروں میں ہے۔ اور شائقین اس پر گہما گہمی کر رہے ہیں۔

نئے نام کی تختی کی تصاویر اور ویڈیوز سوشل میڈیا پر وائرل ہو رہی ہیں۔منت، نہ صرف مداحوں کے لیے بلکہ بالی ووڈ کو پسند کرنے والوں کے لیے ضرور دیکھنے والی جگہوں میں سے ایک ہے

 دراصل شاہ رخ خان نے اپنے گھرکی  مرمت اور کچھ تبدیلیاں کی ہیں اور یہ تبدیلی ان کی انٹیریئر ڈیزائنر بیوی گوری خان نے کی ہے۔ شاہ رخ خان نے کچھ عرصہ پہلے پرانی کالی پلیٹ کی جگہ ایک نیا نام پلیٹ لگایا تھا

‘منت’ کے داخلی دروازے پر ایک نئی نام پلیٹ لگائی گئی ہے، مبینہ طور پر اس پر مجموعی طور پر35 لاکھ روپے لاگت آئی ہے۔  جسے گوری خان نے خود ڈیزائن کیا ہے۔

 اب آپ سوچ رہے ہوں گے کہ نام کی پلیٹ میں ایسا کیا ہے جو موضوع بحث بن گیا ہے۔ تو آپ کو بتاتے چلیں کہ منت کے دروازے کے بالکل باہر اس نام کی تختی کے بارے میں یہ دعویٰ کیا جا رہا ہے کہ اس پر ہیرے جڑے ہوئے ہیں، جس کی وجہ سے یہ اتنی چمک رہی ہے۔

 منت کے گیٹ پر لگی یہ نام تختی اتنی روشن ہے کہ اندھیرے میں بھی صاف دیکھی جا سکتی ہے۔ یہی وجہ ہے کہ سوشل میڈیا پر اس نام کی تختی کا چرچا ہو رہا ہے۔

منّت کے باہر کے نام کی تختی کو ایل ای ڈی کے ساتھ ‘ہیرے’ کی شکل دی گئی ہے، جس میں بڑے حروف میں ‘MANNAT’ لکھا گیا ہے۔ نیز اس میں LANDSEND لکھا ہوا ہے۔ اس نام کی تختی کے ساتھ، گوری نے منّت کے داخلی راستے کی شکل ہی بدل دی ہے۔

 اس سے قبل اپریل میں بھی شاہ رخ کے بنگلے ‘منت’ کا نام تبدیل کیا گیا تھا اور اسے بھی گوری نے خود ڈیزائن کیا تھا۔ #منت نے سوشل میڈیا پر بھی ٹرینڈ کرنا شروع کردیا۔ کیونکہ. صارفین کا خیال ہے کہ اس بار منت کے باہر رکھی گئی نام کی تختی ہیروں سے جڑی ہوئی ہے۔

ورک فرنٹ کی بات کریں تو شاہ رخ خان اب ‘جوان’ اور ‘پٹھان’ کے ساتھ سینما گھروں تک پہنچنے والے ہیں۔ حال ہی میں

جب ‘پٹھان’ کا ٹیزر ریلیز ہوا تو پٹھان کا ٹیزر مداحوں میں ٹرینڈ کرنے لگا اور صارفین نے اسے ریلیز سے قبل ہی سپر ہٹ قرار دے دیا۔ شائقین شاہ رخ خان کی آنے والی فلموں کا بے صبری سے انتظار کر رہے ہیں۔