تلنگانہ :کانگریس حکومت نے سابقہ ​​حکومتی مشیروں کو ہٹا دیا

تلنگانہ میں کانگریس کی حکومت کے قیام کے فوراً بعد بہت سی تبدیلیاں تیزی سے ہورہی ہیں۔ ریونت ریڈی کی زیر قیادت حکومت نے ان لوگوں کو ہٹا دیا جو کے سی آر حکومت میں حکومتی مشیر تھے۔ سی ایس شانتی کماری نے اس سلسلے میں احکامات جاری کئے ہیں۔

 چیف منسٹر ریونت ریڈی کی حکومت نے انہیں مشیروں کو برطرف کر دیا…

1۔ی ایم کے چیف ایڈوائزر سومیش کمار

2 ۔راجیو شرما، حکومت کے پرنسپل ایڈوائزر

3۔ آبپاشی کے مشیر ایس کے جوشی

4۔قافتی اور مذہبی مشیر کے وی رامان چاری (حالیہ مستعفیٰ)

5۔وبھا، چیف ایڈوائزر، محکمہ جنگلات کے تحفظ

6۔ انوراگ شرما ۔وزارت داخلہ کے مشیر

7۔ اے کے خان۔مسلم اقلیتی بہبود کے مشیر

8۔جی آر ریڈی اور شیواشنکر۔ جو محکمہ خزانہ میں خصوصی افسر ہیں۔

9۔سدھاکر تیجا۔آر اینڈ بی ڈیپارٹمنٹ

10۔راجندر پرساد سنگھ۔توانائی کا شعبہ

11. سرینواس راؤ، مشیر۔باغبانی محکمہ

سومیش کمار نے چیف سکریٹری کے عہدہ کے ساتھ مختلف اہم محکموں کا چارج سنبھالا تھا جب تک کہ تلنگانہ ہائی کورٹ نے انہیں اپنے گھر آندھرا پردیش کیڈر میں واپس جانے کی ہدایت نہیں کی۔انہوں نے فوری طور پر استعفیٰ دے دیا اور سابق چیف منسٹر کے سی آر کے مشیر کے طور پر تلنگانہ واپس آگئے۔

اپوزیشن لیڈر کی حیثیت سے اپنے وقت کے دوران ریونت ریڈی نے مختلف مواقع پر ان عہدیداروں کو نشانہ بنایا، خاص طور پرسومیش کمار نے مبینہ طور پر بی آر ایس ڈسپنسیشن کے ساتھ سرکاری خزانے کو شدید مالی نقصان پہنچانے  میں ملی بھگت کی۔

نیز سومیش کمار نے دھرانی پورٹل کے نفاذ میں کلیدی کردار ادا کیاجسے کانگریس نے اسکام قرار دیا اور اس کی جگہ ایک بہتر ورژن لانے کا وعدہ کیا۔

جیسا کہ چیف سکریٹری نے پچھلی حکومت کے مشیروں کی تقرریوں کو منسوخ کرنے کے تازہ احکامات جاری کیے اب یہ سبھی اپنے گھر چلے جائیں گے۔ ایسا لگتا ہے کہ ان کی جگہ پروفیسر کودنڈارام کو حکومت کا چیف ایڈوائزر بنائے جانے کے امکانات ہیں۔