آپ ایک خوبصورت نوجوان خاتون ہیں

مصر میں غزہ سربراہی اجلاس کے دوران امریکی صدر ڈونالڈ ٹرمپ نے اٹلی کی وزیرِاعظم جارجیا میلونی کی غیر متوقع طور پر تعریف کرتے ہوئے انہیں "خوبصورت” اور "ناقابلِ یقین” قرار دیا۔ ٹرمپ نے یہ بھی تسلیم کیا کہ ان کے تبصرے کو جنس پرست قرار دیا جا سکتا ہے، لیکن کہا کہ وہ اپنے امکانات کا فائدہ اٹھائیں گے۔

میلونی، جو اسٹیج پر موجود واحد خاتون رہنما تھیں، ٹرمپ کے ریمارکس کے جواب میں مسکراتی اور سر ہلاتی نظر آئیں۔ایک حیرت انگیز تعریف میں، صدر ٹرمپ نے پیر (13 اکتوبر 2025) کو مصر میں غزہ امن سربراہی اجلاس کے دوران اٹلی کی وزیرِاعظم جارجیا میلونی کی تعریف کی اور انہیں "خوبصورت” کہا۔

 تقریب میں تقریباً 30 رہنماؤں میں سے 48 سالہ میلونی واحد خاتون تھیں جو ٹرمپ کے پیچھے اسٹیج پر موجود تھیں، جہاں عالمی رہنماؤں نے غزہ میں امن کے قیام کے لیے ایک اعلامیہ پر دستخط کیے۔79 سالہ ٹرمپ، جو تین بار شادی شدہ ہیں، نے اپنی تقریر کے دوران کہاکہ مجھے یہ کہنے کی اجازت نہیں ہے کیونکہ عام طور پر یہ کسی کے سیاسی کیریئر کا خاتمہ سمجھا جاتا ہے، لیکن میں اپنے امکانات کا فائدہ اٹھاؤں گا۔

 آپ ایک خوبصورت نوجوان خاتون ہیں،ٹرمپ نے مزید کہاکہ اگر آپ ریاستہائے متحدہ میں کسی عورت کے بارے میں ‘خوبصورت کا لفظ استعمال کریں، تو یہ آپ کے سیاسی کیریئر کا اختتام سمجھا جاتا ہے، لیکن میں خطرہ مول لے رہا ہوں۔

انہوں نے ہنستے ہوئے میلونی سے مخاطب ہو کر کہاکہ آپ کو خوبصورت کہلانے پر کوئی اعتراض نہیں ہوگا، ٹھیک ہے؟

کیونکہ آپ واقعی ہیں۔ٹرمپ کے تبصروں پر میلونی سمیت وہاں موجود دیگر رہنماؤں کی جانب سے قہقہے بلند ہوئے۔انہوں نے میلونی کو ایک شاندار رہنما” قرار دیتے ہوئے امن معاہدے کے حوالے سے ان کی شمولیت پر شکریہ ادا کیا۔