بنگال پنچایت انتخابات : ٹی ایم سی کا 18,606 سیٹوں پر قبضہ
بی جے پی کو 4,482 مجلس کو 3 سیٹوں پر کامیابی
کولکتہ:۔11؍جولائی
(زین نیوز ڈیسک)
مغربی بنگال میں گرام پنچایت، پنچایت سمیتی اور ضلع پریشد کے انتخابات کے لیے ووٹوں کی گنتی صبح 8 بجے سے جاری ہے۔شام 7.30 بجے تک گرام پنچایتوں کی 27,985 سیٹوں کے نتائج آ چکے تھے۔
ٹی ایم سی نے 18,606 گرام پنچایت سیٹوں پر کامیابی حاصل کی ہے۔ اس کے ساتھ ہی وہ 8,180 سیٹوں پر آگے ہے۔دوسری طرف بی جے پی نے 4,482 سیٹیں جیتی ہیں اور 2,419 سیٹوں پر آگے ہے۔ کانگریس نے 1,073 سیٹیں جیتی ہیں اور 693 سیٹوں پر آگے ہے۔
سی پی آئی (ایم) نے 1,424 گرام پنچایت سیٹیں جیتی ہیں۔ وہیں بائیں محاذ نے 1502 نشستیں حاصل کی ہیں۔
مجلس اتحاد المسلمین کی پارٹی بنگال پنچایت میں بھی داخل ہوگئی ہے۔ اے آئی ایم آئی ایم نے بنگال گرام پنچایت کی 3 سیٹیں جیت لی ہیں۔ پارٹی مالدہ میں 2 اور مرشد آباد میں 6 سیٹوں کے ساتھ دوسرے نمبر پر رہی۔
پنچایت سمیتی کی سیٹوں سے متعلق اعداد و شمار بھی سامنے آنے لگے ہیں۔ اب تک ٹی ایم سی نے 118 سیٹیں جیتی ہیں اور 782 سیٹوں پر آگے ہے۔ وہیں بی جے پی 79 اور کانگریس 8 سیٹوں پر آگے ہے۔
ٹی ایم سی نے بھی ضلع پریشد میں 18 سیٹوں پر کامیابی حاصل کی ہے اور 64 سیٹوں پر آگے ہے۔ حالانکہ ضلع پریشد سیٹوں پر بی جے پی کا کھاتہ ابھی کھلنا باقی ہے۔
بنگال میں، 8 جولائی کو 80.71 فیصد پولنگ ریکارڈ کی گئی، کئی بوتھوں پر تشدد اور بوتھ پر قبضہ کے واقعات کے درمیان۔ 8 جون کو انتخابی شیڈول کے سامنے آنے کے بعد سے 10 جولائی تک انتخابی تشدد میں 36 افراد ہلاک ہو چکے ہیں۔
بوتھ پر قبضہ کی شکایات کے بعد، الیکشن کمیشن نے پیر (10 جولائی) کو 19 اضلاع کے 697 بوتھوں پر دوبارہ ووٹنگ کرائی۔ ووٹنگ %69.85 رہی اور تشدد کا کوئی بڑا واقعہ نہیں ہوا۔
ٹی ایم سی کے ترجمان کنال گھوش نے کہا- نتائج ظاہر کرتے ہیں کہ لوگوں کا ریاستی حکومت پر بھروسہ ہے۔ عوام نے بی جے پی اور کانگریس کی تقسیم کی سیاست کو مسترد کردیا ہے۔ یہ بتاتا ہے کہ عوام نے 2024 کے لیے کیا سوچا ہے۔
ابھیشیک بنرجی نے کہا کہ اپوزیشن نے ممتا کے لیے نو ووٹ مہم شروع کی تھی، جس کا پچھتاوا ہوا۔ یہ اپوزیشن کے لیے ایک پیغام ہے کہ 2024 میں بنگال کی ہوا کس طرف چلے گی۔