حیدرآباد: ۔17؍دسمبر
(زین نیوز)
ایک خاتون سمیت دو افراد کو جو مبینہ طور پر مردوں کو ( محبت کے جال میں پھنسا ) ہنی ٹریپ کر رہے تھے اور ان سے رقم وصول کر رہے تھے، کو رچاکونڈہ پولیس نے ہفتہ کے روز گرفتار کیا۔
پولیس کے مطابق، مشتبہ افراد کی شناخت پارسا تنوسری (23) اور پارسا روی (32) کے طور پر ہوئی ہے، دونوں آندھرا پردیش کے رہنے والے ہیں۔
ایک متاثرہ نے پولیس سے یہ کہتے ہوئے رابطہ کیا تھا کہ اس نے مختلف انسٹاگرام پروفائلز سے اسے بھیجے گئے پیغامات کا جواب دیا تھا۔
وقت کے ساتھ ساتھ، اس شخص کی اس عورت سے دوستی ہو گئی جس نے ‘سری ٹنسو کا ہینڈل استعمال کیا اور اسے ایک فون نمبر میسج کیا۔ متاثرہ نے اس سے فون پر بات کی اور اس کے ساتھ بات چیت شروع کردی۔
"رچاکونڈہ (سائبر کرائم) اے سی پی، ایس ہری ناتھ نے بتایا کہ تنوسری نے متاثرہ کے قریب ہونے کا بہانہ کیا اور جلد ہی اس سے شادی کی پیشکش کی۔
کسی نہ کسی بہانے، روی کے کہنے پر، اس نے کووڈ کے علاج، اپنی والدہ کی صحت کے مسائل اور دیگر وجوہات کے لیے رقم کا مطالبہ کیا اورمختلف بہانوں سے 31.66 لاکھ، روپے منتقل کر لیے۔
شکایت پر پولیس نے مقدمہ درج کر کے تفتیش شروع کر دی۔ خاتون اور اس کے دوست نے اسی طرح کئی لوگوں کو دھوکہ دے کر بھاری دولت بٹوری۔