چنئی : لڑکی نے شاد ی کے لئے اپنا جنس تبدیل کرواکر لڑکا بن گیا

چنئی : لڑکی نے شاد ی کے لئے اپنا جنس تبدیل کرواکر لڑکابن گیا
انکار پر بے دردی سے لڑکی کو کاٹ دیااور پھر جلا کر مار ڈالا

چنئی میں لڑکی سے لڑکا بنا (ٹرانس مین) نے اپنی سالگرہ سے ایک دن پہلے اپنے دوست کو اس سے ملنے کے لیے بلایا اور اسے جلا کر مار ڈالا۔ پولیس کے مطابق دونوں بچپن کے دوست تھے۔ وہ چنئی میں ایک آئی ٹی کمپنی میں ایک ساتھ کام کرتے تھے۔

ملزم (پانڈی مہیشوری) نے لڑکی (نندنی) سے شادی کرنے کے لیے اپنا جنس تبدیل کرایا اور لڑکا بن گیا۔۔ مہیشوری نے اپنی جنس تبدیلی کے بعد اپنا نام بدل کر وتریمارن رکھ لیا تھالیکن 25 سالہ نندنی نے اس سے شادی کرنے سے انکار کر دیا۔

 اس سے ناراض وتریمارن نے اسے مار ڈالا۔مقتولہ کی شناخت 25 سالہ سافٹ ویئر انجینئر آر نندنی کے طور پر ہوئی ہے۔ اس کے اہل خانہ کے مطابق مدورائی میں ہائی اسکول کے زمانے سے ہی ملزم کے ساتھ اس کی دوستی تھی

پولیس کے مطابق 24 دسمبر کو نندنی کی سالگرہ تھی۔ 23 دسمبر کو وتریمارن نے اسے فون کیا اور سالگرہ کے سرپرائز کے بہانے اس سے ملنے کو کہا۔ہفتہ کو دونوں کی ملاقات ہوئی اور دونوں ایک ساتھ شاپنگ کرنے گئے،

پھر تمبرم کے قریب واقع ایک یتیم خانے میں بھی گئے۔ وتریمارن اسے مندر سمیت مختلف مقامات پر لے گیا۔ "شام 7 سے 7.15 بجے کے قریب وہ اسے پونمار روڈ کے قریب ایک خالی پلاٹ پر لے گیا۔

 پولیس افسر نے کہاکہ ہمیں شبہ ہے کہ اس نے تحفہ پیش کرنے کے بہانے اس کی آنکھوں پر پٹی باندھی تھی۔ جب اس کی آنکھیں بند تھیں اس نے اس کے بازو اور ٹانگوں کو دو زنجیروں اور تالوں سے باندھ دیا۔ اس کے بعد اس نے اسے جلانے سے پہلے اس کی کلائیوں اور ٹخنوں کو کاٹ دیا اور پھر وہ موقع سےفرار ہوگیا

اس کی چیخیں سن کر راہگیر موقع پر پہنچ گئے اور دیکھا کہ وہ شدید جھلس کر زخمی ہے۔ انہوں نے ایمبولینس طلب کی اور پولیس کو اطلاع دی گئی۔ نندنی انہیں ایک فون نمبر دینے میں کامیاب ہوگئی۔

 جب اسے ڈائل کیا گیا تو وتریمارن نے کال کا جواب دیا اور کہا کہ وہ اس کا دوست ہے۔ "وہ موقع پر آیا اور اسے ہسپتال لے جانے میں پولیس کی مدد کی۔ تاہم تفتیش کے دوراناس نے جرم کا اعتراف کر لیا۔نندنی نے ہسپتال میں زخموں کی تاب نہ لاتے ہوئے دم توڑ دیا۔

پولیس نے ایم بی اے گریجویٹ وتریمارن کو گرفتار کیا ہے، جو جنس کی تبدیلی سے پہلے پانڈی مہیشوری تھی کو آر نندنی کو قتل کرنے کے الزام میں گرفتار کیا گیا ہے۔ پانڈی مہیشوری کوعدالتی تحویل میں بھیج دیا گیا تھا۔