رائچور :۔13؍دسمبر
(زیڈ این ایم ایس)
کرناٹک میں زیکا وائرس کا پہلا کیس سامنے آیا ہے۔ رائچور میں زیکا وائرس سے متاثرہ ایک مریض پایا گیا ہے۔ ریاستی وزیر صحت کے سدھاکر نے کہا کہ رائچور کی ایک 5 سالہ لڑکی میں زیکا وائرس کا انفیکشن پایا گیا ہے۔
انہوں نے بتایا کہ حکومت اس معاملے میں ضروری اقدامات کر رہی ہے۔ مریض کو احتیاطی تدابیر اختیار کرنے کا مشورہ دیا گیا ہے۔پونے کی لیب کی رپورٹ کے مطابق کرناٹک کے رائچور میں ایک 5 سالہ بچی میں زیکا وائرس کی تصدیق ہوئی ہے۔
وزیر صحت کے سدھاکر نے کہا کہ اس بات کا انکشاف اس وقت ہوا جب ڈینگو اور چکن گنیا کے ٹیسٹ کیے گئے۔ عام طور پر اس طرح کے 10 فیصد نمونے جانچ کے لیے پونے بھیجے جاتے ہیں، جن میں سے یہ مثبت آیا ہے۔ ہماری حکومت اسے بہت سنجیدگی سے لے رہی ہے۔
انہوں نے کہا کہ انہوں نے ریاست میں صحت خدمات کی حالت پر بھی نظر رکھی ہے۔ ڈاکٹروں کو الرٹ موڈ پر رہنے کو کہا گیا ہے۔ انہوں نے بتایا کہ ہمیں پونے کی ایک لیب سے زیکا وائرس کے پہلے تصدیق شدہ کیس کی رپورٹ موصول ہوئی ہے۔
وزیر صحت نے کہا کہ حکومت احتیاطی تدابیر اختیار کر رہی ہے۔ رائچور کے ساتھ ساتھ پڑوسی اضلاع میں بھی نگرانی کے لیے محکمہ صحت کے افسران کو ضروری ہدایات دی گئی ہیں۔ اس کے ساتھ انہوں نے یہ بھی کہا ہے کہ اگر وہ کسی اسپتال میں متاثر پائے جائیں تو ان کا معائنہ کیا جائے اور زیکا وائرس کی جانچ کے لیے نمونے بھیجے جائیں۔
زیکا وائرس انفیکشن
زیکا وائرس انفیکشن مچھروں کے ذریعے پھیلنے واال مرض ہے جس کا سبب زیکا وائرس ہے۔
طبی خصوصیات
اکثر زیکا وائرس عالمات کے بغیر ہوتے ہیں۔ جن مریضوں میں یہ عالمات ہوتی ہیں، ان کو عام طور پرجلدی سرخ دانے، بخار، آشوب چشم، عضالتی یا جوڑوں کا درد اور عمومی بے آرامی کا سامنا رہتا ہے۔ یہ عالمات عموماً معتدل ہوتی ہیں اور چند دنوں تک برقرار رہتی ہیں۔
عالمی ادارہ صحت اس نتیجے پر پہنچا ہے کہ دوران حمل زیکا وائرس انفیکشن بچوں کے غیر معمولی طورپر چھوٹے سر، سمیت خلقی ذہنی مسائل، کا سبب بن سکتا ہے اور زیکا وائرس جی بی ایس کا محرک بھی ہے۔
جی بی ایس سے ہٹ کر، شدید منتشر دماغی سوزش )مرکزی عصبی نظام کی ایک بیماری( کو اعصابی توضیحات میں سے ایک کے طور پر تالش کیا گیا جو کہ ممکنہ طور پر زیکا وائرس انفیکشن کے نتیجےمیں ظاہر ہوتی ہے۔