دھمـــــاکہ اتنا زور دار تھاکہ محلہ لـــرزا اٹھا،مکانوں کے کھڑکیــــوں کے شیشیے ٹـــوٹ گئے
ڈھاکہ : 5؍جون
(زیڈ ایم این ایس)
بنگلہ دیش کے سیتا کنڈا میںملک کی مرکزی سمندری بندرگاہ چٹاگانگ کے قریب ایک پرائیویٹ ان لینڈ کنٹینر ڈپو (ICD) میں ایک دھماکے کے بعد کم از کم 37 افراد ہلاک اور 450 سے زائد زخمی ہو گئے
چوکی کے سب انسپکٹر (ایس آئی) نورالعالم نے بتایا کہ ہفتہ کی رات کو سیتا کنڈا ضلع کے قدمرسول علاقہ میں واقع بی ایم کنٹینر ڈپو میں آگ لگی۔ جیسے ہی فائر سروس کے یونٹ اسے بجھانے کے لیے کام کر رہے تھے، ایک دھماکہ ہوا اور پھر آگ کے شعلے پھیل گئے۔
تفصیلات کے مطابق جنوب مشرقی بنگلہ دیش میں ہفتہ کی رات ایک نجی کنٹینر ڈپو میں زبردست آگ بھڑک اٹھی۔ اس حادثے میں کم از کم 37 افراد ہلاک اور 450 سے زائد زخمی ہوئے۔ ‘ڈھاکا ٹریبیون’ کے مطابق، ہفتہ کی رات چٹاگرام میں بی ایم کنٹینر ڈپو میں آگ لگ گئی۔ ‘ڈیلی سٹار’ کے مطابق آگ پر قابو پانے کے لیے فوج کو موقع پر بھیج دیا گیا ہے۔
فائر بریگیڈکاایک عہدیدار بھی ہلاک ہوگیا بنگلہ دیش فائر سروس اینڈ سول ڈیفنس کے ایک عہدیدارنے بتایا – آگ اتنی شدید ہے کہ اسے بجھانے کے دوران فائر بریگیڈ کے 5 عہدیدار بھی ہلاک ہو گئے ہیں۔ مرنے والوں میں سے ایک کی شناخت کمیرا اسٹیشن آفیسر (نرسنگ اسسٹنٹ) مونی الزمان کے نام سے ہوئی ہے۔ 15 فائر فائٹرز زخمی ہوئے ہیں۔
اس کے ساتھ ہی 2 عہدیدار لاپتہ ہیں۔ریاست کے زیر انتظام چٹاگانگ میڈیکل کالج ہسپتال (سی ایم سی ایچ) میں تعینات ایک پولیس افسر نے میڈیا کو بتایا، ’’اب تک یہاں مردہ خانے میں 35 لاشیں لائی جا چکی ہیں۔
ریڈ کریسنٹ یوتھ چٹاگانگ میں ہیلتھ اینڈ سروس ڈپارٹمنٹ کے سربراہ استقول اسلام نے کہا، "اس واقعے میں 450 سے زیادہ لوگ زخمی ہوئے ہیں، جن میں سے کم از کم 350 سی ایم سی ایچ میں ہیں۔ دوسرے اسپتالوں میں مرنے والوں کی تعداد زیادہ ہو سکتی ہے۔”
پولیس، فائر سروس اور مقامی ذرائع نے بتایا کہ آگ رات 9 بجے کے قریب بی ایم کنٹینر ڈپو کے لوڈنگ پوائنٹ کے اندر لگی۔ ایس آئی نورال نے مزید کہا کہ ابتدائی طور پر یہ خیال کیا جاتا ہے کہ کنٹینر ڈپو میں کیمیکل کی وجہ سے آگ لگی۔
رات تقریباً 11 بجکر 45 منٹ پر ایک زبردست دھماکہ ہوا اور ایک کنٹینر میں کیمیکل کی موجودگی کی وجہ سے آگ ایک کنٹینر سے دوسرے کنٹینر میں پھیل گئی۔
ذرائع کا کہنا ہے کہ دھماکا اتنا زوردار تھا کہ اس سے محلہ لرز اٹھا اور قریبی گھروں کی کھڑکیوں کے شیشے ٹوٹ گئے۔
موقع پر پہنچنے والے پولیس افسر نورالعلم نے بتایا- واقعہ کی اطلاع ملتے ہی فائر بریگیڈ کی گاڑیاں روانہ کر دی گئیں۔ اب تک 37 افراد کی لاشیں نکالی جا چکی ہیں۔ ابتدائی تحقیقات سے ایسا لگتا ہے کہ آگ ڈپو میں رکھے کیمیکل کی وجہ سے لگی۔
انہوں نے کہاکہ پہلے ایک کنٹینر میں آگ لگنے کی اطلاع تھی۔ پھر ایک دھماکہ ہوا جس سے آگ پھیل گئی۔ اس وقت 19 فائر ٹینڈر آگ بجھانے میں مصروف ہیں۔ 16 ایمبولینسیں بھی موقع پر موجود ہیں۔
ڈیلی سٹار نے رحمان کا حوالہ دیتے ہوئے کہا کہ "زخمیوں کو بہترین علاج کی فراہمی کو یقینی بنانے کے لیے انتظامات کیے جا رہے ہیں۔ ہم علاج کا سارا خرچ برداشت کریں گے۔ حادثے میں زخمی ہونے والوں کو زیادہ سے زیادہ معاوضہ دیا جائے
مہلوکین میں 7 افراد کی شناخت کر لی گئی، ‘دی ڈیلی سٹار’ کے مطابق مرنے والوں میں سے 7 کی شناخت ہو گئی ہے۔ ان میں محمد منیر الزمان (32)، مومن الحق (24)، محی الدین (26)، حبیب الرحمان (26)، ربیع العالم (19)، شومن (28) اور نوین (20) شامل ہیں