نئی دہلی : 6 / جون
(زین نیوز)
اتراکھنڈ کے اترکاشی ضلع کے دمتا میں ایک بس گہری کھائی میں گرنے سے 26 مسافروں کی موت کا خدشہ ہے ۔ حادثے کے وقت بس میں 30 سے زیادہ لوگ سوار تھے اور وہ یامونوتری کی سیر کرنے جا رہے تھے۔ ڈی جی پی اشوک کمان نے بتایا کہ 26 لوگوں کی لاشیں نکال لی گئی ہیں جبکہ 6 زخمیوں کو اسپتال بھیجا گیا ہے۔ اطلاع ملتے ہی پولیس اور این ڈی آر ایف کی ٹیم موقع پر پہنچ گئی۔ ریسکیو کام جاری ہے۔
والے ہیں۔
موصولہ اطلاعات کے مطابق تمام مسافر مدھیہ پردیش کے پنا ضلع کے رہنے والے بتائے جاتے ہیں۔ بس نمبر یو کے 04 1541 ہریدوار سے روانہ ہوئی تھی جس میں 30 سے زائد افراد سوار تھے۔
میڈیا سے بات کرتے ہوئے ڈی جی پی نے کہا کہ اب تک 22 لوگوں کی موت ہو چکی ہے۔ اس کے ساتھ ہی کئی لوگ زخمی ہوئے ہیں، جنہیں دمتا پرائمری ہیلتھ سینٹر میں داخل کرایا گیا ہے۔
فی الحال پولس اور این ڈی آر ایف کی ٹیم موقع پر پہنچ گئی ہے، جہاں لوگوں کو بچا کر باہر نکالا جا رہا ہے
وزیر داخلہ نے اظہار تعزیت کیا۔
مرکزی وزیر داخلہ امت شاہ نے اترکاشی میں 28 یاتریوں کو لے جانے والی بس کے بارے میں اتراکھنڈ کے وزیر اعلی پشکر سنگھ دھامی سے بات کی ہے۔ ایک ٹویٹ میں انہوں نے کہا کہ اتراکھنڈ میں عقیدت مندوں کی بس کے کھائی میں گرنے کے بارے میں جان کر بہت افسوس ہوا۔ مقامی انتظامیہ اور ایس ڈی آر ایف کی ٹیمیں بچاؤ کے کام میں لگی ہوئی ہیں اور زخمیوں کو علاج کے لیے قریبی اسپتال لے جایا جا رہا ہے۔
سی ایم دھامی نے تحقیقات کی ہدایات دیں۔
سی ایم دھامی نے ٹویٹ کیا کہ مسافر بس کے حادثے کی افسوسناک خبر موصول ہوئی ہے۔ اطلاع ملتے ہی ضلع انتظامیہ کو راحت اور بچاؤ کے کام میں تیزی لانے کی ہدایت دی گئی ہے۔ اس کے ساتھ ہی متعلقہ افسران کو اس حادثے کی تحقیقات کرنے کی ہدایت دی گئی ہے