ہندوستان میں تقریباً 2 گھنٹے تک نظر آئے گا
نئی دہلی:۔25؍اکتوبر
(زین نیوزڈیسک)
آج (25 اکتوبر) سال کا آخری سورج گرہن ہو رہا ہے۔ آج کا سورج گرہن ہندوستان میں تقریباً 2 گھنٹے تک نظر آئے گا۔ یہ ملک کے بیشتر حصوں میں دیکھا جا سکتا ہے۔ ملک میں پہلی بار اسے امرتسر میں شام 4.19 بجے سے دیکھا جا سکتا ہے۔
اس کے ساتھ ہی سورج گرہن ممبئی میں شام 6.09 بجے تک نظر آئے گا۔ زیادہ تر مقامات پر سورج گرہن کا اختتام غروب آفتاب کے ساتھ ہوگا۔
دنیا کی بات کریں تو امریکی خلائی ادارے ناسا کے مطابق آج کا سورج گرہن یورپ، شمال مشرقی افریقہ، مشرق وسطیٰ اور مغربی ایشیا میں دیکھا جا سکے گا۔ اس سورج گرہن کے بعد 8 نومبر کو مکمل چاند گرہن بھی ہوگا جو ایشیا، آسٹریلیا، بحرالکاہل اور امریکہ میں دیکھا جاسکے گا۔
آج متحدہ عرب امارات میں جزوی سورج گرہن کے بارے میں آپ سب کو جاننے کی ضرورت ہے۔ متحدہ عرب امارات میں چاند گرہن دوپہر 2 بجکر 42 منٹ پر شروع ہوتا ہے اور آج 25 اکتوبر کو شام 4 بجکر 54 منٹ پر ختم ہوگا۔
کولکتہ کے برلا پلانیٹیریم کے ماہر فلکیات دیوی پرساد دواری کے مطابق سورج گرہن ملک کے شمالی اور مغربی حصوں میں آسانی سے نظر آئے گا۔ یہ گرہن ملک کے مشرقی علاقوں میں نظر نہیں آئے گا کیونکہ ان علاقوں میں اس وقت غروب آفتاب ہوچکا ہوگا۔
سورج گرہن شام 4 بجے کے بعد شروع ہوگا۔ سورج گرہن کا وقت مختلف مقامات کے مطابق مختلف ہوگا، 4 بجکر 50 منٹ تک گرہن بیشتر شہروں میں نظر آئے گا۔اس گرہن کا جزوی اثر ہندوستان میں دیکھا جا سکتا ہے۔ ہندوستان کے علاوہ یہ گرہن مغربی یورپ، یورپ اور مشرقی افریقہ میں بھی دیکھا جا سکے گا۔
آج ہونے والا یہ سورج گرہن سال کا آخری سورج گرہن ہے۔ اس کے بعد آپ کو ایسا واقعہ 20 اپریل 2023 کو دیکھنے کو ملے گا۔ اس دن ہندوستان میں مکمل سورج گرہن نظر آئے گا۔
آج کا سورج گرہن ان شہروں میں دیکھا جا سکے گا۔
آج نظر آنے والا یہ سورج گرہن نئی دہلی، کولکتہ، چنئی، بنگلور، ممبئی، وارانسی، اجین اور متھرا سے دیکھا جاسکے گا۔ یہ سورج گرہن دہلی میں 1 گھنٹہ 13 منٹ، ممبئی میں 1 گھنٹہ 19 منٹ، کولکتہ میں 31 منٹ اور چنئی میں 12 منٹ تک نظر آئے گا۔ بھارت کے دارالحکومت نئی دہلی میں یہ سورج گرہن شام 4 بجکر 29 منٹ پر شروع ہوگا اور شام 6 بج کر 9 منٹ پر غروب آفتاب کے ساتھ ختم ہوگا۔