انکیتا بھنڈاری کے قتل کے ملزمین کو 14 دن کی عدالتی تحویل میں بھیج دیا گیا

تازہ خبر جرائم حادثات قومی
زین نیوز
بی جے پی لیڈر ونود آریہ اور بیٹا انکت آریہ پارٹی سے برطرف
نئی دہلی : 24؍ستمبر
(زیڈ این ایم ایس)
بی جے پی لیڈر ونود آریہ کو ہفتہ کو ان کے بیٹے پلکیت آریہ کی گرفتاری کے بعد پارٹی سے نکال دیا گیا تھا ، انکیتا بھنڈاری کے قتل کے سلسلے میں، جو کہ پوڑی، اتراکھنڈ میں ایک ریسورٹ کی خاتون استقبالیہ تھیں ۔ پارٹی نے ملزم کے بھائی انکت کو بھی پارٹی سے نکال دیا ہے۔ ونود آریہ کا بیٹا پلکت آریہ پوڑی کے یمکیشور میں واقع اس ریسورٹکا مالک ہے اور اسے جمعہ کے روز پولیس نے اس کے دو ساتھیوں کے ساتھ ریسورٹ کے ریسپشنسٹ کے قتل کے سلسلے میں گرفتار کیا تھا۔
پارٹی کے میڈیا انچارج منویر چوہان نے ہفتہ کو کہا کہ یہ کارروائی بھارتیہ جنتا پارٹی (بی جے پی) کے ریاستی صدر مہندر بھٹ کی ہدایت پر ونود آریہ اور انکت کے خلاف کی گئی ہے۔ ونود آریہ ہریدوار سے بی جے پی لیڈر تھے۔ وہ اتراکھنڈ سوتی بورڈ کے صدر بھی رہ چکے ہیں اور پھر انہیں وزیر مملکت کا درجہ حاصل تھا۔ پلکت کے بھائی انکت اتراکھنڈ دیگر پسماندہ طبقات (او بی سی) کمیشن کے نائب چیئرمین ہیں۔

قابل ذکر بات یہ ہے کہ پلکت آریہ، ریزورٹ منیجر سوربھ بھاسکر اور اسسٹنٹ منیجر انکت گپتا کو قتل کے سلسلے میں جمعہ کو 14 دن کی عدالتی حراست میں بھیج دیا گیا تھا۔ ریسپشنسٹ کی لاش ہفتہ کی صبح ایک نہر سے ملی۔ متوفی انکیتا گزشتہ 7 دنوں سے لاپتہ تھی۔ فی الحال اس واقعہ کو لے کر اتراکھنڈ سمیت پورے ملک میں غم و غصہ ہے۔ ملزمان کے خلاف سخت کارروائی کا مطالبہ کیا جا رہا ہے۔
انکیتا بھنڈاری کے قتل کے واقعہ پر غم کا اظہار کرتے ہوئے کانگریس کے سابق صدر راہل گاندھی نے ہفتہ کو کہا کہ ان واقعات نے ہر کسی کے دل کو ہلا کر رکھ دیا ہے۔ انہوں نے یہ بھی کہا کہ ملک تب ہی ترقی کرے گا جب خواتین محفوظ ہوں گی۔ ان دنوں ہندوستان جوڑو یاترا پر نکلنے والے راہول گاندھی نے ٹویٹ کرکے اس واقعہ کی مذمت کی ہے۔
دریں اثنا، حکومت کی جانب سے پلکیت آریہ کی ملکیت والے ریزورٹ کے کچھ حصوں کو منہدم کرنے کے ایک دن بعد، مشتعل مقامی لوگوں نے عمارت کو آگ لگا دی۔