راجیہ سبھا سیٹ اور گورنر کا عہدہ دلانے 100 کروڑ روپے 

 سی بی آئی نے راجیہ سبھا کی سیٹ اور گورنر کا عہدہ دلانے کا وعدہ کرکے مبینہ طور پر 100 کروڑ روپے کی دھوکہ دہی کے معاملے کا پردہ فاش کیا ہے۔ مرکزی تفتیشی ایجنسی نے اس معاملے میں ایک بین ریاستی گینگ کا پردہ فاش کیا ہے اور چار ملزمین کو گرفتار کیا ہے۔ حکام نے بتایا کہ تحقیقاتی ایجنسی نے حال ہی میں اس معاملے میں کئی مقامات پر چھاپے مارے ہیں اور اس گینگ کے چار ارکان کو گرفتار کیا ہے۔

گرفتاری کے بعد سی بی آئی نے ان ملزمان کے خلاف ایف آئی آر بھی درج کر لی ہے۔سی بی آئی نے رقم کے لین دین سے ٹھیک پہلے ملزم کو پکڑ لیا۔

مرکزی جانچ ایجنسی کی طرف سے درج ایف آئی آر میں مہاراشٹر کے لاتور کے کملاکر پریم کمار بندگر، کرناٹک کے بیلگام کے رویندر وٹھل نائک اور دہلی-این سی آر کے مہیندر پال اروڑہ، ابھیشیک بورا اور محمد اعجاز خان کو نامزد کیا گیا ہے۔ گرفتار ملزمان سے باریک بینی سے پوچھ گچھ کی جا رہی ہے۔

اسی دوران، ایک ملزم سی بی آئی افسران پر حملہ کرنے کے بعد تلاشی آپریشن کے دوران فرار ہونے میں کامیاب ہوگیا۔ حکام نے بتایا کہ تفتیشی ایجنسی کے عہدیداروں پر حملہ کرنے کے الزام میں مفرور ملزمان کے خلاف مقامی پولیس اسٹیشن میں ایک الگ ایف آئی آر درج کی گئی ہے۔

ایف آئی آر میں الزام لگایا گیا ہے کہ کملاکر پریم کمار بندگر سی بی آئی کے ایک سینئر افسر کا روپ دھارتا تھا اور بورا، اروڑا، خان اور نائک کو اعلیٰ عہدے داروں کے ساتھ اپنے روابط کا حوالہ دیتے ہوئے ایسا کوئی کام کرنے کے لیے کہا کرتا تھا، جسے وہ بھاری معاوضے میں کروا سکتا ہے۔

 رقم درج کی گئی ایف آئی آر کے مطابق، ملزمان نے راجیہ سبھا کی نشست حاصل کرنے، گورنر کے طور پر تقرری اور مرکزی حکومت کی وزارتوں اور محکموں کے تحت مختلف سرکاری اداروں کے چیئرمین کے طور پر تقرری کا جھوٹا یقین دلاتے ہوئے عام لوگوں سے بھاری رقم ہتھیانے کی سازش کی تھی۔ کے ساتھ ملزمان 100 کروڑ روپے کے بدلے راجیہ سبھا کی امیدواری حاصل کرنے کے جھوٹے وعدوں سے لوگوں کو دھوکہ دینے کی کوشش کر رہے تھے۔

واضح رہے کہ حال ہی میں مہاراشٹر میں ایسا ہی معاملہ سامنے آیا۔ یہاں کے ایک بی جے پی ایم ایل اے سے 100 کروڑ روپے کا مطالبہ کیا گیا تھا۔ اس کے بدلے میں ایکناتھ شندے کی کابینہ میں وزیر بنانے کی پیشکش ہوئی تھی۔ ایم ایل اے کی شکایت پر پولیس کی کرائم برانچ کے انسداد بھتہ خوری سیل (اے ای سی) نے دھوکہ دہی کے الزام میں چار لوگوں کو گرفتار کیا۔ ان لوگوں نے یہ پیشکش 3 سے 4 ایم ایل اے کے سامنے کی تھی۔