حجاب کے معاملے میں اکھلیش گونگے ہو جاتے ہیں۔
لکھنؤ : 4 / مارچ
( اے ایم این ایس)
آل انڈیا مجلس اتحاد المسلمین پارٹی کے قومی صدر بیرسٹر اسد الدین اویسی نے مبارک پور کے بشی میں واقع ایک اسکول کے گراؤنڈ میں منعقدہ جلسہ عام میں ایس پی پر شدید حملہ کیا۔
انہوں نے کہا کہ سماج وادی پارٹی ابھی اقتدار میں نہیں ہے۔ اس کے باوجود وہ کسی بھی اقلیتی برادری سے تعلق رکھنے والے مسلمانوں کو اپنے پلیٹ فارم پر لانے سے کتراتی ہے۔ اور حجاب کے معاملے میں اکھلیش یادو گونگے ہو جاتے ہیں
اویسی نے کہا، ‘ہم اور بابو سنگھ کشواہا صاحب سماجی انصاف کی جنگ لڑ رہے ہیں۔ ہم حصہ کی جنگ لڑ رہے ہیں تاکہ غریب، اور پسماندہ لوگوں کو ان کا حق اور حصہ مل سکے۔
اس اسمبلی حلقہ میں ابھی بہت کام ہونا باقی ہے۔ یوپی کے لوگوں نے بی جے پی کو پانچ سال کا اقتدار دیا۔ لیکن آپ جانتے ہیں کہ اس اسمبلی حلقہ میں مرزا پور کو پورے پوروانچل سے جوڑنے والا شاستری پل اتنا خراب ہوچکا ہے کہ وہ کسی بھی وقت گر سکتا ہے
मुबारकपूर के उलमा, मुफ़्ती व मुहद्दिसीन तौहीद-व-रिसालत की शमा को दुनिया के कोने-कोने में रोशन कर रहे हैं। इदारों के ज़िम्मेदारान को अल्लाह (s.w.t.) सलामत रखें। – Barrister @asadowaisi #UttarPradeshElection2022 pic.twitter.com/Ff39fC0JlV
— AIMIM (@aimim_national) March 3, 2022
اسد اویسی نے مزید کہا کہ یوگی اور مودی کی حکومت ڈبل انجن ترقی کا نعرہ دے رہی ہے۔جو نعرہ ہی بن کررہ جائے گا۔
انہوں نے جنادھیکر پارٹی اتحاد کے امیدوار کو کامیاب بنانے کی اپیل کرتے ہوئے کہا کہ آپ شرکت اور شرکت کی لڑائی میں مضبوطی سے مجلس کے ساتھ رہیں۔
ناانصافی اسی وقت ختم ہوگی جب غریبوں اور پسے ہوئے لوگوں کا نمائندہ آپ کے ووٹ اور آشیرواد سے اسمبلی میں ایم ایل اے بنے گا۔ اپنے ووٹ کا استعمال کریں اور مجلس کو مضبوط بنائیں۔ ہم یہاں اپنے لیے نہیں آئے ہیں بلکہ اس لیے آئے ہیں کہ آپ کو سماجی انصاف مل سکے،
اس موقع پر پارٹی امیدوار اور دیگر موجود تھے۔