این آئی اے میں سروس میڈل سے نوازہ گیاتھا
ٹھکانوں سے کئی خفیہ دستاویزات برآمد
نئی دہلی :19؍فروری
(اے ایم این ایس)
این آئی اے میں سروس میڈل سے نوازے گئے آئی پی ایس افسر اروند نیگی کو گرفتار کر لیا گیا ہے۔ اس پر لشکر طیبہ کو خفیہ معلومات فراہم کرنے کا الزام ہے۔ نیگی ہماچل پردیش کیڈر کے آئی پی ایس افسر ہیں۔ ان پر لشکر طیبہ کے دہشت گرد کو خفیہ دستاویزات دینے کا الزام ہے۔ جس کے بعد نیگی کو یو اے پی اے کے تحت گرفتار کیا گیا ہے۔
نیشنل انویسٹی گیشن ایجنسی (این آئی اے) نے انٹیلی جنس معلومات کے افشا ہونے کے سلسلے میں نیگی کے ٹھکانوں پر چھاپہ مارا تھا۔ نیگی کے ٹھکانوں سے کئی خفیہ دستاویزات ملی ہیں۔ جس کے بعد نیگی کو پوچھ گچھ کے لیے حراست میں لے لیا گیا۔ ساتھ ہی این آئی اے کی جانچ میں یہ بھی پتہ چلا ہے کہ نیگی کے ذریعے معلومات لیک کی گئی ہیں۔
معاملہ کے بارے میں این آئی اے کے ایک اہلکار نے بتایا کہ این آئی اے نے لشکر کی حمایت کرنے والے اوور گراؤنڈ کارکنوں کو گرفتار کیا ہے۔ وہ لشکر طیبہ کی مدد کرتے تھے اور انہیں معلومات فراہم کرتے تھے۔ اس ایپی سوڈ میں اروند نیگی کا نام بھی آیا۔ اس سلسلے میں این آئی اے نے نیگی کے احاطے میں چھاپہ مارا اور کئی دستاویزات برآمد کیے۔
اہم بات یہ ہے کہ 2011 بیچ کے آئی پی ایس افسر اروند نیگی کو بھی گیلنٹری ایوارڈ سے نوازا گیا ہے۔ اس سے پہلے اروند نیگی نیشنل انویسٹی گیشن ایجنسی (این آئی اے) میں ایس پی کے عہدے پر تعینات تھے۔ جہاں سے اس کیس کی تحقیقات شروع ہونے کے بعد انہیں واپس اپنے کیڈر میں بھیج دیا گیا۔ انہیں 11 سال تین ماہ تک این آئی اے میں ڈیپوٹیشن ملا۔