گوہاٹی:۔2؍اکتوبر
(زین نیوز ڈیسک)
ٹیم انڈیا نے جنوبی افریقہ کو ہائی اسکورنگ میچ میں 16 رنز سے شکست دے کر تین میچوں کی سیریز میں 2-0 کی ناقابل تسخیر برتری حاصل کر لی ہے۔ ہندوستانی ٹیم پہلی بار جنوبی افریقہ کے خلاف ہندوستان میں ٹی 20 سیریز جیتنے میں کامیاب ہوئی ہے۔ ٹاس ہارنے کے بعد پہلے بیٹنگ کرتے ہوئے بھارت نے 20 اوورز میں 3 وکٹوں کے نقصان پر 237 رنز بنائے۔ جواب میں جنوبی افریقہ نے بھی پوری قوت لگائی لیکن ٹیم 3 وکٹوں پر 221 رنز ہی بنا سکی
ہندوستان اور جنوبی افریقہ کے درمیان دوسرا T20 میچ آج گوہاٹی میں کھیلا گیا۔ جنوبی افریقہ نے ٹاس جیت کر پہلے گیند بازی کا فیصلہ کیا۔ بھارت نے جنوبی افریقہ کو 16 رنز سے شکست دی۔ روہت شرما کی قیادت میں ٹیم نے پہلے بیٹنگ کرتے ہوئے مقررہ 20 اوورز میں 3 وکٹوں کے نقصان پر 237 رنز بنائے۔
اس جیت کے ساتھ ہی ہندوستانی ٹیم نے جنوبی افریقہ کے خلاف پہلی بار اپنے گھر پر ٹی 20 سیریز جیت لی ہے۔ دونوں ٹیموں کے درمیان 2015 میں پہلی بار کرکٹ سیریز کا مختصر ترین فارمیٹ کھیلا گیا تھا اور جس میں ٹیم انڈیا کو 0-2 سے شکست کا سامنا کرنا پڑا تھا۔
روہت شرما اور کے ایل راہول کی اوپننگ جوڑی نے 90 سے زیادہ رنز کی شراکت داری کی۔ راہول اور سوریہ کمار نے نصف سنچریاں بنائیں۔ سوریہ کمار نے 18 گیندوں پر نصف سنچری بنائی۔ ویرات کوہلی 49 رنز بنا کر ناٹ آؤٹ رہے۔ بھارت کو سیریز میں 2-0 کی ناقابل تسخیر برتری حاصل ہے۔ ان کے علاوہ سوریہ کمار یادو نے سب سے حیرت انگیز بلے بازی کی۔ انہوں نے صرف 22 گیندوں میں 61 رنز بنائے۔ ان کا اسٹرائیک ریٹ 277.27 رہا۔ ان کے بلے میں 5 چوکے اور 5 چھکے لگے۔
اس میچ میں بلے بازوں کا راج رہا۔ ہندوستان کی جانب سے کے ایل راہول (57)، روہت شرما (43)، سوریہ کمار یادیو (61) اور ویرات کوہلی (49) نے شاندار بلے بازی کی۔ ساتھ ہی جنوبی افریقہ کی جانب سے ڈیوڈ ملر نے شاندار سنچری اسکور کی اور ناقابل شکست 106 رنز بنائے۔ کوئنٹن ڈی کاک بھی 69 رنز بنا کر ناٹ آؤٹ رہے۔
یہ ٹی ٹوئنٹی کرکٹ میں ہندوستان کا چوتھا سب سے بڑا اسکور ہے۔ سوریہ کمار یادو اور ویرات کوہلی نے 42 گیندوں میں 102 رنز کی شراکت داری کی۔ جواب میں جنوبی افریقہ نے 2 اوورز میں 5 رنز بنائے ہیں اور اس کے 2 بلے باز پویلین لوٹ چکے ہیں۔ارشدیپ سنگھ نے ایک ہی اوور میں دونوں وکٹیں حاصل کیں۔ انہوں نے جنوبی افریقہ کے کپتان ٹیمبا باوما اور ریلی روسو دونوں کو صفر پر آؤٹ کیا۔
جنوبی افریقہ کی ٹیم میں ایک تبدیلی کی گئی ہے۔ اسپنر تبریز شمسی آج کا میچ نہیں کھیل رہے ہیں۔ اس کی جگہ لنگی نگیڈی آئی ہے۔ اس کے ساتھ ہی ٹیم انڈیا نے پلیئنگ الیون میں کوئی تبدیلی نہیں کی ہے۔ میچ کے دوران ایک بڑا واقعہ پیش آیا۔ بھارتی اننگز کا ساتواں اوور ختم ہوتے ہی میدان میں سانپ نکل آیا۔ جس کی وجہ سے میچ کو 10 منٹ کے لیے روکنا پڑا۔ کچھ دیر بعد گراؤنڈ اسٹاف نے سانپ کو ہٹایا اور پھرکھیل شروع ہوگیا۔
روہت شرما وین پرنیل کی گیند پر اسکوپ شاٹ کھیلنے کی کوشش کرتے ہوئے اپنی انگلی میں زخمی ہو گئے۔ تاہم فزیو سے علاج کروانے کے بعد انہوں نے دوبارہ بیٹنگ شروع کر دی۔ یہ روہت کا 400 واں ٹی 20 میچ ہے۔ اس میں بین الاقوامی اور لیگ دونوں میچز شامل ہیں۔ روہت 400 T20I کھیلنے والے پہلے ہندوستانی کرکٹر بن گئے ہیں۔