پدم شری آشا پاریکھ‘ کو دادا صاحب پھالکے ایوارڈ سے نوازا جائے گا۔ مرکزی وزیر انوراگ ٹھاکر

ہندی فلموں کی خوبصورت ومشہور اداکارہ پدم شری آشا پاریکھ کو دادا صاحب پھالکے ایوارڈ سے نوازا جائے گا ۔ مرکزی وزیر انوراگ ٹھاکر نے یہ اطلاع دی۔ ہندی سنیما میں ان کی بہترین شراکت کے لیے انہیں اس ایوارڈ سے نوازا جائے گا۔یہ بھارتی فلم انڈسٹری کا سب سے بڑا ایوارڈ ہے۔ 79 سالہ اداکارہ کو ’دل دے دیکھو‘، ’کٹی پتنگ‘، ’تیسری منزل‘ اور ’کارواں‘ جیسی فلموں کے لیے جانا جاتا ہے۔

 وہ ہندی سنیما کی اب تک کی سب سے بااثر اداکاراؤں میں سے ایک ہیںآشا پاریکھ کو 1992 میں پدم شری سے نوازا گیا۔ معروف اداکارہ آشا پاریکھ نے ہندی فلموں میں اپنی اداکاری اور اپنے اشاروں سے ناظرین کے دل موہ لیے۔ ایک زمانے میں ہر کوئی آشا پاریکھ کے انداز کا دیوانہ تھا۔انہوں نے پنجابی، گجراتی اور کنڑ زبانوں میں بھی اپنی صلاحیت کا لوہا منوایا۔

 آشا پاریکھ نے شادی نہیں کی۔ آشا پاریکھ 2 اکتوبر 1942 کو گجرات کے ایک متوسط ​​گھرانے میں پیدا ہوئیں۔ وہ سنسر بورڈ آف انڈیا کی چیئرمین بھی رہ چکی ہیںکہا جاتا ہے کہ معروف پروڈیوسر ڈائریکٹر بمل رائے نے ایک پروگرام میں آشا پاریکھ کا ڈانس دیکھا اور بہت متاثر ہوئے۔ انہوں نے آشا پاریکھ کو فلم ‘باپ بیٹی’ میں کام کرنے کا موقع دیا لیکن یہ فلم باکس آفس پر کچھ خاص نہیں کر سکی۔

اس کے بعد انہوں نے کئی اور فلموں میں چھوٹے موٹے رول کیے لیکن زیادہتر فلمیں ناکام رہیں۔ اس سے مایوس ہو کر انہوں نے اداکاری چھوڑ دی اور پڑھائی پر توجہ دی۔ سال 1958 میں آشا نے ایک بار پھر فلم ‘پھر سے’ میں کام کرنے کا سوچا لیکن وجے بھٹ نے انکار کر دیا۔کہا جاتا ہے کہ وجے بھٹ کے انکار کے اگلے ہی دن آشا پاریکھ کو ناصر حسین کی فلم کی پیشکش ہو ئی۔

 آشا پاریکھ کو 1959 میں ناصر حسین کی فلم ‘دل دے دیکھو’ سے کچھ کامیابی ملی اور پھر انہوں نے اداکاری کی طرف قدم بڑھائے۔1960 میں انہوں نے ناصر حسین کی فلم ‘جب پیار کسی سے ہوتا ہے’ میں کام کیا جو سپر ہٹ ثابت ہوئی۔ آشا پریش ایک کامیاب اداکارہ کے طور پر قائم ہوئیں۔ اس فلم کے بعد ناصر حسین نے انہیں کئی اور فلموں میں لیا جو سپر ہٹ ہوئیں۔وہ پچھلے کچھ سالوں میں کئی ٹی وی ریئلٹی شوز میں بطور مہمان نظر آ چکی ہیں