راجستھان9؍مارچ
( زین نیوز ویب ڈیسک)
صائمہ سید ملک کی ایسی واحد شخصیت ہیں جنہوں نے 80 کلومیٹر کی اینڈوریسن ریس میں میڈل حاصل کرنے کے ساتھ ون اسٹار رائڈر بننے کا خطاب اپنے نام کیا ہے۔
راجستھان کی صائمہ سید ملک کی پہلی ون اسٹار رائڈرراجستھان کے ضلع ناگور سے تعلق رکھنے والی صائمہ سید، ایک ایسا نام ہے کہ جب بھی ہورس رائیڈنگ کی بات آتی ہے تو سب کی زبان پر یہ نام نظر آتا ہے۔صائمہ سید ملک کی ایسی واحد شخصیت ہیں جنہوں نے 80 کلومیٹر کی اینڈوریسن ریس میں میڈل حاصل کرنے کے ساتھ کوالیفائی کر کے ون اسٹار رائڈر بننے کا خطاب اپنے نام کیا ہے۔
یہ خطاب اپنے نام کرنے کے بعد صائمہ سید ملک کی پہلی خاتون گھوڑ سوار بن گئی ہیں جنہوں نے ون اسٹار کا خطاب حاصل کیا
ہے۔راجستھان کی صائمہ سید ملک کی پہلی ون اسٹار رائڈردراصل 18 فروری کو ریاست گجرات کے شہر احمد آباد میں آل انڈیا اوپن اینڈوریسن مقابلے کا اہتمام کیا گیا تھا،
اس مقابلے میں صائمہ سید نے مارواڑی گھوڑی اراولی کے ساتھ اس میں حصہ لیا اور ملک کے بہترین رائڈر کو پیچھے چھوڑتے ہوئے "کانسہ میڈل” حاصل کر کے راجستھان کا نام پورے ہندوستان میں روشن کیا۔
اس مقابلے کی خاص بات یہ ہے کہ یہ مقابلہ خواتین اور مردوں کے لئے الگ الگ نہیں ہوتا بلکہ ایک ہی ہوتا ہے ایسے میں جس
طرح سے صائمہ سید نے یہ بڑا مقام حاصل کیا، اس کے بعد سے ہی راجستھان میں ہر سمت صائمہ سید کی تعریف ہو رہی ہے۔اس سے قبل صائمہ سید نے 40 کلو میٹر، 60 کلومیٹر اور 80 کلومیٹر کے مقابلے میں حصہ لیتے ہوئے میڈل حاصل کیا تھا۔
وہیں اسٹار رائڈر بننے کے لیے 40 اور 60 کلو میٹر کی ایک ایک اور 80 کلومیٹر کے دو مقابلوں میں کوالیفائی کرنا ہوتا ہے۔