نئی دہلی :یکم؍ا گسٹ
(زین نیوز؍ایجنسیز)
کانسی کے تمغے کے مقابلے میں سندھو نے چینی شٹلر ہی بنگ جیاؤ کو 2-0 سے ہرا کر ہندوستان کے لیے دوسرا تمغہ جیتا۔ سندھو نے پہلا سیٹ 21-13 سے جیتا جبکہ دوسرا سیٹ 21-15 سے جیت لیا۔
بھارتی اسٹار بیڈمنٹن کھلاڑی پی وی سندھو نے ٹوکیو اولمپکس میں کانسی کا تمغہ جیت کر تاریخ رقم کی۔ وہ دو اولمپک تمغے جیتنے والی پہلی ہندوستانی خاتون کھلاڑی بن گئیں ہیں۔ اس نے اتوار (یکم اگست) کو چین کے ہی بنگ ژاؤ کو سیدھے سیٹوں میں شکست دی۔
سندھو نے ‘ ٹوکیو اولمپکس میں اپنے تمام میچ دو سیدھے سیٹوں میں جیتے۔ ایسے میں سوال یہ پیدا ہوتا ہے کہ کیا سندھو اپنے حریف کو سیدھے دو سیٹوں میں شکست دے کر میچ جیتنا چاہتی ہے؟ بڑے میچوں میں ، کیا وہ میچ کو تیسرے سیٹ تک نہیں جانے دیتی تاکہ سٹیمنا کا کوئی مسئلہ نہ ہو؟
ریو اولمپک میں چاندی کا تمغہ جیتنے والی سندھو نے اپنی ٹوکیو مہم کا آغاز اسرائیل کی کیسینیا پولی کارپووا کے خلاف 21-7 ، 21-10 سے کیا۔ گروپ جے کے اپنے دوسرے میچ میں سندھو نے ہانگ کانگ کی چیونگ نگن کو 21-9 ، 21-16 سے شکست دی۔
ٹوکیو اولمپکس 2020 میں بھارت کا دوسرا تمغہ آیا ہے۔ بیڈمنٹن ویمنز سنگلز میں ریو اولمپکس میں چاندی کا تمغہ جیتنے والی اور عالمی چیمپئن پی وی سندھو نے کانسی جیت کر تاریخ رقم کی۔ اس کے ساتھ ہی دوسرا تمغہ ہندوستان کے کھاتے میں آ گیا ہے۔ پہلا تمغہ میرابائی چانو نے ویٹ لفٹنگ میں جیتا ہے
پی وی سندھو مسلسل دو اولمپک تمغے جیتنے والی پہلی خاتون کھلاڑی
پی وی سندھو نے ٹوکیو میں کانسی کا تمغہ جیت کر ایک بڑا ریکارڈ اپنے نام کیا ہے۔ وہ مسلسل دو اولمپکس میں میڈل جیتنے والی ہندوستان کی پہلی خاتون ایتھلیٹ بن گئی ہیں۔ اس سے قبل پی وی نے بیڈمنٹن ویمنز سنگلز میں ریو اولمپکس میں ہندوستان کے لیے چاندی کا تمغہ جیتا تھا۔