بنگلور : 15/مارچ
(زین نیوز)
مسلم لڑکیوں کے اسکولوں اور کالجوں میں حجاب پہننے سے متعلق ہائی کورٹ میں پہلے ہی سماعت ہو چکی ہے۔ ساتھ ہی کئی اضلاع میں سیکورٹی کے لیے دفعہ 144 نافذ کر دی گئی ہے۔ سکول کالج بند کر دیے گئے ہیں
حجاب تنازعہ کیس میں آج یعنی منگل کو فیصلہ سنائے گی۔ مسلم لڑکیوں کے اسکول کالج میں حجاب پہننے کے معاملے میں عدالت صبح تقریباً 10.30 بجے فیصلہ سنائے گی۔ اس کے ساتھ ہی کئی اضلاع میں سیکوریٹی کے لحاظ سے دفعہ 144 نافذ کر دی گئی ہے۔
کرناٹک کے کالابوراگی، بیلگام اور چکبالا پورہ میں حجاب کے سلسلے میں دفعہ 144 نافذ کر دی گئی ہے۔
دفعہ 144 پیر کی شام 8 بجے سے 19 مارچ کی صبح 6 بجے تک نافذ ہے۔ اس کے علاوہ کلبرگی ضلع کے تمام تعلیمی ادارے آج یعنی 15 مارچ کو بند رہیں گے۔ اس سے قبل بھی ریاست میں حجاب کے معاملے کو لے کر کافی ہنگامہ ہوا تھا
اسکولوں اور دیگر تعلیمی اداروں میں حجاب پہننے پر جاری تنازعہ کے درمیان ہائی کورٹ کی جانب سے تمام درخواستوں پر سماعت گزشتہ ماہ ہی مکمل ہوئی تھی۔
واضح رہے کہ کرناٹک میں حجاب تنازعہ کا معاملہ پورے ملک میں آگ کی طرح پھیل گیا تھا۔ اس حوالے سے مختلف مقامات پر احتجاجی مظاہرے بھی ہوئے۔ اس تنازعہ کو دیکھتے ہوئے کرناٹک حکومت نے بھی اسکولوں اور کالجوں کو بند کرنے کا فیصلہ کیا تھا۔
تاہم ہائی کورٹ کی ہدایت پر تعلیمی ادارے دوبارہ کھول دیے گئے
واضح ریے کہ حجاب تنازعہ سے متعلق سماعت کے دوران طالبات کی جانب سے بینچ سے جمعہ کے روز زوما کی وجہ سے حجاب پہننے کی اجازت مانگی گئی تھی۔ اس کا جواب دیتے ہوئے بنچ نے کہا کہ اس پر غور کیا جائے گا۔
حجاب کا یہ تنازعہ پہلی بار پچھلے سال دسمبر میں کرناٹک کے اڈپی میں ایک سرکاری کالج کے کیمپس میں شروع ہوا تھا۔
اس کے فوراً بعد زعفرانی جماعتوں سے وابستہ طلبہ نے زعفرانی اسکارف پہن کر کالج میں حجاب کے خلاف احتجاج شروع کردیا اور معاملہ اتنا بڑھ گیا کہ زعفرانی جماعتوں باقاعدہ مہم چلائی۔ اور مسلم طالبات کو نشانہ بنانے کی کوشش کی
اس واقعے کی ویڈیو بھی کافی وائرل ہو رہی تھی۔ اس کے ساتھ ہی یہ ایک سیاسی مسئلہ بن کر ابھرا۔ آپ کو بتاتے دیں کہ اس حوالے سے کافی سیاسی بیان بازی ہوئی تھی۔ یوپی انتخابات کے پیش نظر یہ مسئلہ کافی اٹھایا گیا۔ اب طویل سماعت کے بعد اس پر آج کرناٹک ہائی کورٹ کا فیصلہ آنے والا ہے