انجلی اروڑا کا ردعمل
میں بہت مشکل وقت سے گزرا ہوں۔کامیڈین منور فاروقی
نئی دہلی : 12؍اپریل
(اے ایم این ایس)
کنگنا رناوت کے شو ‘لاک اپ’ کے دن کچھ مقابلہ کرنے والوں نے دنیا کو اپنا راز بتا دیا۔ بعض اوقات یہ راز کافی چونکا دینے والا ہوتا ہے، جو سوشل میڈیا پر کافی سرخیوں کی زینت بنتا ہے۔ شو میں مہشور کامیڈین منور فاروقی اور انجلی اروڑہ کے درمیان محبت کا زاویہ دیکھا جا رہا ہے۔ ادھر کنگنا رناوت نے منور کو لے کر چونکا دینے والا انکشاف کیا ہے۔
لاک اپ کا پرومو جاری کر دیا گیا ہے جس میں کنگنا رناوت کا کہنا ہے کہ منور فاروقی، سوشل میڈیا پر کچھ اور ہی چل رہا ہے۔ کچھ ایسی باتیں جو آپ نہیں بتاتے کہ سچ ہیں یا جھوٹ۔ اس کے بعد اسکرین پر ایک تصویر دکھائی دیتی ہے، جو سامعین کے لیے دھندلی تھی۔ کیا یہ تصویر سچ ہے؟
View this post on Instagram
کنگنا رناوت کا کہنا ہے کہ منور فاروقی شادی شدہ آدمی کی بات کر رہے ہیں۔ یہ سن کر انجلی اروڑہ، شیوم شرما، سائشا شندے، کرن ویر بوہرا کافی چونک گئے۔ منور کا کہنا ہے کہ میں ان تمام باتوں پر بحث نہیں کرنا چاہتا۔ ان کا کہنا ہے کہ وہ بہت مشکل وقت سے گزر رہے ہیں۔ کنگنا کا کہنا ہے کہ اس شو کے باہر جو کچھ بھی ہو رہا ہے، آپ چاہیں تو اپنی بات رکھ سکتے ہیں۔
واضح رہے کہ اس تصویر میں کہا گیا ہے کہ منور فاروقی پہلے سے شادی شدہ ہیں اور ان کا ایک بچہ بھی ہے۔ اس پر گفتگو کرتے ہوئے منور نے کہا کہ یہ معاملہ ابھی عدالت میں ہے اس پر بات نہیں کرنی چاہیے۔ اس نے یہ بھی بتایا کہ وہ اپنی بیوی کے ساتھ نہیں رہتا۔ منور کا یہ انکشاف واقعی چونکا دینے والا تھا کیونکہ ان کی ذاتی زندگی سے جڑے اس راز کے بارے میں بہت کم لوگ جانتے تھے۔
View this post on Instagram
وہیں لاک اپ کی آخری ایپی سوڈ میں انجلی اروڑا نے منور فاروقی کے سامنے اپنی محبت کا اظہار کیا تھا۔ وہ اسے کہتی ہے "میں تم سے پیار کرتی ہوں”، جس پر منور شرما جاتا ہے۔واضح رہے کہ ان کی پیاری جوڑی کو مداحوں میں بے حد پسند کیا جاتا ہے اور یہ دونوں ان دنوں عوام میں کافی مقبولت بناچکے ہیں۔ ساتھ ہی سائشا شندے بھی منور کو بہت پسند کرتی ہیں۔
🔹 انجلی اور منـــــور فاروقی کی محبت کی کہانی مداحــــوں کو کافی پسنـــــــد