گورکھ ناتھ مٹھ مندر پر حملے کے ملزم مرتضیٰ کی ذہنی حالت پر دھیان دینا چاہیے

تازہ خبر قومی
زین نیوز

بی جے پی جمہوریت کی سیریل کلر۔
الیکشن ختم ہوتے ہی پٹرول سے لے کر ڈیزل تک ہر چیز میں مہنگی۔اکھلیش یادو
نئی دہلی :6؍اپریل
(ا ے ایم این ایس)
سماج وادی پارٹی کے قومی صدر اکھلیش یادو نے مشہور گورکھ ناتھ مندر کے اہلکاروں پر حملے کے حوالے سے بیان دیا ہے۔ انہوں نے کہاکہ ‘عباس مرتضیٰ کے والد کا کہنا ہے کہ وہ نفسیاتی مسئلے کا شکار ہیں۔ دو قطبی مسئلے سے نمٹنے کے لیے، میرے خیال میں ہمیں اس پر بھی توجہ مرکوز کرنے کی ضرورت ہے ملزم کی ذہنی حالت پر دھیان دینا چاہیے۔ بی جے پی ایک ایسی پارٹی ہے جو مبالغہ آرائی کرتی ہے۔ وہ چہارشنبہ کی دوپہر ایم ایل سی انتخابات کے سلسلے میں میٹنگ کرنے قنوج آئے تھے۔

صدر اکھلیش یادو نےبی جے پر شدید تنقید کرتے ہوئے کہاکہ بی جے پی جمہوریت کو لوٹنے والی پارٹی ہے۔ انہوں نے بی جے پی کو جمہوریت کا سیریل کلر بتاتے ہوئے کہا کہ بی جے پی ہر الیکشن میں افسران کو ساتھ لے کر جمہوریت کا قتل کر رہی ہے۔

انہوں نے پولس انتظامیہ پر الزام لگایا کہ وہ ایم ایل سی انتخابات میں بھی ایس پی امیدواروں کو روک رہی ہے۔ کانپور لاکر معاملے میں بھی بی جے پی پر حملہ بولا اور کہا کہ اب تک سود پر لوٹ مار ہوتی تھی اب لاکر لوٹے جا رہے ہیں۔ اب ہر ضلع میں بینک لاکرز سے لوٹ مار ہوگی۔

قنوج کے دورے پر پہنچے یوپی کے سابق سی ایم اکھلیش یادو نے کہا کہ الیکشن کے دوران کہا گیا تھا کہ الیکشن ختم ہوتے ہی پٹرول سے لے کر ڈیزل تک ہر چیز میں مہنگائی بڑھ جائے گی۔

سوال مہنگائی کا ہے لیکن جس طرح سے بے روزگاری بڑھ رہی ہے اس سے ہمارے نوجوان اور ان کا مستقبل تاریک نظر آرہا ہے۔ اسمبلی انتخابات کے بعد پہلی بار قنوج آئے ایس پی سپریمو اکھلیش یادو نے تروا روڈ پر واقع پارٹی دفتر میں ایم ایل سی الیکشن کے سلسلے میں سربراہان، کونسلروں، بی ڈی سی اور ضلع پنچایت ممبران کے ساتھ بند کمرے میں میٹنگ کی۔