پولیس حراست میں فوت ہونے والے قدیر خان کی اہلیہ کی چیف منسٹر ریونت ریڈی سے ملاقات

تلنگانہ کے ضلع میدک رہائشی قدیر خان کو میدک پولیس کے مبینہ تشدد اور شدید زدو کوب  کے بعد علاج کے دوران ہسپتال میں موت واقع ہوگئی تھی۔ قدیر خان کی موت کودس ماہ ہوچکے ہیں

 قدیرخان کی اہلیہ سدیشوری نے جمعہ 8 دسمبر کو حیدرآباد میں اپنے پہلے پرجا دربار میٹنگ میں نومنتخب چیف منسٹر ریونت ریڈی سے ملاقات کی اور انصاف پہنچانے کا مطالبہ کیا۔ عوامی دربار کانگریس کی طرف سے ایک وعدہ تھا کہ اگر وہ اقتدار میں منتخب ہوئے تو چیف منسٹر ہفتے میں ایک بار شہریوں سے ملیں۔

"مرحوم قدیر کی اہلیہ سدیشوری نے میڈیا کو بتایا نے میرے شوہر کو پولیس عہدیداروں نے بغیر کسی قصور کے بے دردی سے قتل کر دیا۔ ان کی موت کو 10 ماہ ہو چکے ہیں اور پچھلی حکومت نے ہماری مدد کے لیے کچھ نہیں کیا۔ ہمیں احتیاطی طور پر حراست میں لے لیا گیا

 جب ہم نے سابق سی ایم کے چندر شیکھر راؤ (کے سی آر) سے ملنے کی کوشش کی ۔اس نے مزید کہا کہ سی ایم ریونت ریڈی نے ان کی مدد کرنے کا عہد کیا تھا جب وہ اپوزیشن لیڈر تھے انہوں نے مجھ سے فون پر بات کی اور کانگریس پارٹی کی حمایت کا یقین دلایا

قدیر خان کو میدک ٹاؤن پولیس نے اس سال 29 جنوری کو چین اسنیچنگ کیس میں شبہ کی بنیاد پر حراست میں لیا تھا اور 3 فروری کو اس بات کی تصدیق کے بعد رہا کیا گیا تھا کہ اس کا چوری میں کوئی کردار نہیں ہے۔ وائرل ہونے والے ایک ویڈیو بیان میںقدیر خان نے گرافک تفصیل سے بتایا تھا کہ وہ مبینہ طور پر زیر حراست تشدد کا نشانہ بنایا گیا۔

 "انہوں نے مجھے دو گھنٹے تک الٹا لٹکایا اور مجھ پر حملہ کیا۔ انہوں نے مجھے میری ٹانگوں، ہاتھوں اور میرے پورے جسم پر بہت مارا۔ اب میرے ہاتھ اور ٹانگیں کام نہیں کر رہے ہیں

 اس وقت مرحوم کی اہلیہ سدیشوری نے کہا تھا کہ قدیر خان کو ایک سے زیادہ فریکچرآئے، ریڈھ کی ہڈی میں کئی فریکچر آگئے اور اس کے دونوں گردے ناکارہ ہوگئےتھے۔ بالآخر 16 فروری کو حیدر آباد کے گاندھی ہسپتال میں علاج کے دوران قدیر خان کی موت ہوگئی۔

ریاستی حکومت نے اعلان کیا کہ پرجا دربار 7 دسمبر سے کام کرنا شروع کر دے گا۔ وزیر اعلیٰ کی رہائش گاہ پر کئی ہیلپ ڈیسک قائم کیے گئے تھے تاکہ لوگوں کو وزیر اعلیٰ سے ملنے سے پہلے اپنی شکایات درج کرنے میں مدد مل سکے۔

 کانگریس نے حکومت بنانے سے پہلے الزام لگایا تھا کہ بھارت راشٹرا سمیتی (بی آر ایس) کے سربراہ کے سی آر عوام کے لیے ناقابل رسائی ہیں کیونکہ ان کی رہائش گاہ کے دروازے ہمیشہ بند رہتے ہیں۔