پراجاوانی درخواستوں پر مثبت رویہ اختیار کریں اور ان کے حل کو اولین ترجیح دیں

ضلع کلکٹرجگتیال بی۔ ستیہ پرساد نے متعلقہ حکام کو ہدایت دی کہ پراجاوانی پروگرام کے دوران موصول ہونے والی درخواستوں کو ترجیحی بنیادوں پر دیکھا جائے اور موقع پر جا کر فوری حل کیا جائے۔پیر کے روز ضلع کلکٹریٹ کے مربوط دفاتر کے آڈیٹوریم میں منعقدہ پراجاوانی پروگرام میں عوام کی جانب سے شکایات اور درخواستیں وصول کی گئیں،

جنہیں کلکٹر نے ایڈیشنل کلکٹر بی۔ ایس۔ لتا کے ہمراہ خود قبول کیا۔اس موقع پر کلکٹر نے کہا کہ عوام اپنے مسائل کے حل کے لیے ضلع مرکز اور دیگر مقامات سے بڑی مشقت اٹھا کر آتے ہیں، اس لیے حکام کو چاہیے کہ وہ اپنی متعلقہ محکموں کے تحت موصول ہونے والی شکایات پر مثبت رویہ اختیار کریں اور ان کے حل کو اولین ترجیح دیں۔

 انہوں نے مزید ہدایت دی کہ درخواستوں کا بروقت جائزہ لیا جائے اور انہیں زیر التوا رکھنے کے بجائے جلد از جلد نمٹایا جائے۔ انہوں نے کہا کہ اس پروگرام کے دوران کل 30 شکایات اور درخواستیں موصول ہوئیں، جنہیں فوری طور پر متعلقہ حکام کے ذریعے حل کرنے کے لیے ضروری اقدامات کیے جائیں۔

اس پروگرام میں ایڈیشنل کلکٹر بی۔ ایس۔ لتا، آر ڈی او مدھو سودھن، جیوکر ریڈی، کلکٹریٹ اے۔ او۔ ہنمنت راؤ، مختلف ضلعی افسران، کلکٹریٹ کے نگران، عملہ اور دیگر افراد نے شرکت کی۔