الہ آباد ہائی کورٹ نےشاہی عیدگاہ مسجد کے سروے کو منظوری دی

مجلس اتحاد المسلمین کے صداسد الدین اویسی نے جمعرات 14 دسمبر کو اتر پردیش کے متھرا میں واقع شاہی عیدگاہ مسجد کا سروے کرنے کے الہ آباد ہائی کورٹ کے فیصلے پر سخت تبصرہ کیا۔

ایکس(ٹویٹر) پر ایک پوسٹ میں حیدرآباد کےرکن پارلیمنٹ نے کہا کہ یہ فیصلہ بابری مسجد کے فیصلے کے بعد سنگھ پریوار کی شرارتوں کو تقویت بخشے گا اور مزید کہا کہ یہ عبادت گاہوں کے قانون کے باوجود ایسی قانونی چارہ جوئی کی ممانعت ہے۔

انہوں نے کہا کہ متھرا میں تنازعہ کئی دہائیوں قبل مسجد کمیٹی اور مندر کے ٹرسٹ کے درمیان باہمی رضامندی سے طے پایا تھا۔ایک نیا گروپ ان تنازعات کو بڑھا رہا ہے۔ کاشی ہو، متھرا ہو یا لکھنؤ کی ٹلی والی مسجد، یہ ایک ہی گروہ ہے۔ کوئی بھی اس معاہدے کو یہاں پڑھ سکتا ہےجو عدالت کے سامنے طے ہوا تھا۔

 انھوں نے  پوچھا کہ 9 جنوری کو سپریم کورٹ نے 9 جنوری کو اس معاملے کی سماعت کرنی تھی تو ایسی کیا جلدی تھی کہ سروے کا حکم دینا پڑا؟۔عبادت کی جگہوں کا ایکٹ اب بھی نافذ قانون ہے۔ لیکن اس گروہ نے قانون اور عدالتی عمل کا مذاق اڑایا ہے۔

انہوں نے کہا کہ مسلمانوں کی عزتوں پر ڈاکہ ڈالنا اب ایک ہی مقصد ہے۔انہوں نے کہاکہ براہ کرم جب ایک فریق مسلمانوں کو مسلسل نشانہ بنانے میں دلچسپی رکھتا ہو تو دینے اور لینے کی تبلیغ نہ کریں۔ لیکن قانون کی اب کوئی اہمیت نہیں ہے