بی جے پی کی سابق ایم پی نونیت رانا پر ریلی کے دوران کرسیاں پھینکنے کا واقعہ

  بی جے پی کے سابق ایم پی نونیت رانا پرایک ریلی کے دوران ہجوم کے حملہ کے بعد امراوتی میں سخت حفاظتی اقدامات نافذ کردیئے گئے ہیں۔ پولیس نے واقعہ کی تحقیقات شروع کر دی ہیں ایک سینئر عہدیدارنے اتوار کو تصدیق کی۔

سی ڈی پی او راہل گائیکواڑ (کھلر) نے تفصیلات فراہم کرتے ہوئےبتایاکہ "ہفتے کی را ت کچھ لوگوں نے رمیش بنڈیلے کی میٹنگ میں خلل ڈالا اور سابق ایم پی نونیت رانا کو نشانہ بنایا۔ رات دیر گئے اس کی شکایت پر مقدمہ درج کیا گیا۔ تحقیقات جاری ہیں اور مزید گڑبڑ کو روکنے کے لیے گاؤں میں پولیس کے سخت انتظامات کیے گئے ہیں۔

انہوں نے شہریوں سے امن برقرار رکھنے اور کشیدگی میں اضافے سے گریز کرنے کی بھی اپیل کی۔یہ واقعہ جو جمعہ کی رات پیش آیا، اس میں کھلر گاؤں میں رانا کی ریلی میں کرسیاں پھینکی گئیں اور دھمکی آمیز نعرے لگائے گئے۔ حملے کے بعد رانا نے پولیس میں شکایت درج کرائی۔ حکام نے عوام سے اپیل کی ہے کہ وہ افواہوں پر یقین نہ کریں۔

ویڈیو فوٹیج میں دکھایا گیا ہے کہ رانا کو حامیوں نے گھیر لیا ہے جب لوگوں کے ایک گروپ نے ان پر کرسیاں پھینکیں۔ ایک کلپ میں، وہ ہجوم کے قریب آتی دکھائی دے رہی ہے، بظاہر انہیں وہاں سے جانے کے لیے کہہ رہی ہے، لیکن صورت حال مزید بگڑ گئی۔ اس کے سیکیوریٹی عہدیداروں نے مداخلت کرکے اسے حملے سے بچا لیا۔

واقعے کے بعد نونیت رانا نے مقامی تھانے کا دورہ کیا اور ملوث افراد کے خلاف کارروائی کا مطالبہ کیا۔ پولیس نے نامعلوم افراد کے خلاف مقدمہ درج کر لیا ہے اور امن و امان کو یقینی بنانے کے لیے علاقے میں اضافی نفری تعینات کر دی ہے۔

میڈیا سے بات کرتے ہوئے  نونیت رانانے کہا کہ ’’ہم کھلر میں پرامن طریقے سے انتخابی مہم چلا رہے تھے جب کچھ لوگوں نے میری تقریر کے دوران نامناسب اشارے اور ہنگامہ آرائی شروع کردی۔ میں نے انہیں نظر انداز کر دیا لیکن پھر انہوں نے مہذہبی نعرے لگانے شروع کر دیے۔ جب میرے حامیوں نے ان سے کہا کہ وہ میرے خلاف گالی گلوچ بند کر دیں تو انہوں نے کرسیاں پھینکنا شروع کر دیں۔

"ان کا غصہ مجھ پر لگ رہا تھا۔ انہوں نے کرسیاں پھینکیں اور گالی گلوچ کی۔ میرے پارٹی کے کچھ ساتھی زخمی ہوئے، جیسا کہ ویڈیو میں دیکھا جا سکتا ہے۔ ،‘‘ انہوں نے نامہ نگاروں کو بتایاکہ میرے چھ سیکورٹی عہدیداروں نے مجھے بچایا۔ہم نے شکایت درج کرائی ہے، اور اگر جلد گرفتاری نہ کی گئی تو امراوتی کی ہندو برادری یہاں جمع ہو جائے گی

امراوتی رورل کرائم برانچ کے انسپکٹر کرن وانکھڑے نے تصدیق کی کہ رانا 20 نومبر کو ہونے والے ریاستی انتخابات سے قبل بی جے پی امیدوار رمیش بنڈیلے کے لیے مہم چلانے کے لیے کھلر میں تھے۔

، "انہوں نے کہاکہ ریلی کے دوران دو گروپوں کے درمیان جھگڑا ہوا ہم نے نونیت رانا کی شکایت پر مقدمہ درج کیا ہے۔ حالات قابو میں ہیں، اور گاؤں میں پولیس چوکی قائم کر دی گئی ہے۔ ہم شہریوں سے درخواست کرتے ہیں کہ وہ کسی بھی افواہ پر یقین نہ کریں۔ مزید تفتیش جاری ہے

سابق اداکارنونیت رانا نے 2019 سے 2024 تک امراوتی کے لیے آزاد ایم پی کے طور پر خدمات انجام دیں۔ وہ اس سال کے شروع میں بی جے پی میں شامل ہوئیں لیکن عام انتخابات میں ہار گئیں۔ نونیت رانا جس کی شادی بڈنیرا کے ایم ایل اے روی رانا سے ہوئی ہے، اس سے پہلے شرد پوار کی این سی پی سے وابستہ تھے۔