عہدیداروں کی جانب سے ‘کے ٹی آر’ نامی چائے کا ہوٹل بند کیے جانے پر تنازعہ

سرسلہ راجنا ضلع میں میونسپل عہدیداروں کے ذریعہ ٹریڈ لائسنس نہ ہونے کی وجہ سے ایک چائے کے اسٹال کو بند کرنا متنازعہ ہوگیا ہے۔ کلکٹر سندیپ کمار جھا نے صبح سرسلہ میونسپل حدود کے اندر کئی علاقوں میں صفائی کے انتظامات کا اچانک معائنہ کیا۔

 میونسپل حکام کو تمام دکانوں کے ٹریڈ لائسنس کی جانچ کرنے اور بغیر لائسنس کے دکانوں کو ہٹانے کی ہدایت دی گئی۔ اس تناظر میں انہوں نے بٹولہ سرینواس نامی ایک چھوٹے تاجر کے ذریعہ بتکما ںگھاٹ پر کے ٹی آر کے نام سے چلائے جانے والے چائے کے اسٹال کو بند کردیا۔

جب مقامی لوگوں سے اچانک بندش کے بارے میں پوچھ گچھ کی گئی تو میونسپل عہدیداروں نے یہ کہتے ہوئے خود کو دور کردیا کہ وہ کلکٹر کے حکم پر عمل کررہے ہیں

یہ سوشل میڈیا پر وائرل ہو گیا اور اسے کلکٹر کی طرف سے چھوٹے تاجر کی توہین قرار دیا۔ سرینواس نے اس بات پر افسوس کا اظہار کیا کہ ان کا چائے کا اسٹال صرف اس لیے بند کردیا گیا کہ کے ٹی آر کا نام اور ان کی فلیکسی کا استعمال کیا گیا۔

بی آر ایس قائدین نے ان کی حمایت میں دھرنا دیا اور احتجاج کیا۔ سابق وزیر کے ٹی آر نے سوشیل میڈیا پلٹ فارم ایکس  پر اس کا جواب دیا۔ ٹی اسٹال کے منیجر سری نواس کے بولنے کا ایک ویڈیو پوسٹ کیا گیا تھا، جس میں انتباہ دیا گیا تھا کہ وہ کسی کو نہیں چھوڑ یں گےہر چیز کا نوٹس لے رہے ہیں۔

Did #Sircilla Collector order the closure of a tea stall featuring @KTRBRS’s name & picture?

The vendor says officials asked him to shut for a day, while the municipality claims they only checked documents. https://t.co/vYU0Zr5iy4

— South First (@TheSouthfirst) February 19, 2025

دریں اثنا، حکام نے اس الزام کی تردید کی اور کہا کہ انہوں نے دستاویزات کی تصدیق کے حصے کے طور پر دکان کا دورہ کیا۔