حیدرآباد کے بہادر پورہ زیر تعمیر چار منزلہ عمارت کو مہند م کرنے کا کام شروع

حیدرآباد کے پرانے شہر کے بہادر پورہ میں ایک زیر تعمیر چار منزلہ عمارت کومنہدم کرنے کا کام شروع ہوگیا ہےگریٹر حیدرآباد میونسپل کارپوریشن ٹاون پلاننگ ڈپارٹمنٹ نے چار منزلہ عمارت کو گرانے کا کام شروع کیا ہے جوجھکنے لگی تھی اور مقامی لوگوں کے لیے خطرہ بن گئی تھی ۔

ملک ٹریڈنگ ڈیمالیشن کمپنی نے منہدم کرنے کا کام کررہی ہے ۔جی ایچ ایم سی کے عہدیداروں نے ایک منظم طریقے سے عمارت کو منہدم کرنے کے لیے ایک لمبی بریکر کرین کی خدمات حاصل کیں

 جی ایچ ایم سی نے عمارت کے مالکان کو انہدام کے اخراجات برداشت کرنے کی ہدایات جاری کی ہیں۔ حکام نے عمارت کے انہدام کے آس پاس کی سات عمارتوں میں موجود 30 خاندانوں کو نکال لیا ہے۔ مسماری کا کام 48 گھنٹوں میں مکمل ہونے کا امکان ہے۔

تاہم عہدیداروں نے پایا کہ دو منزلوں کی تعمیر کی اجازت لینے کے بعد وہ چار منزلہ تعمیر کررہے ہیں۔ جی ایچ ایم سی کے عہدیداروں نے عمارت کو منہدم کرنے کا فیصلہ کیا کیونکہ اس کے منہدم ہونے کا خدشہ تھا۔ علاوہ ازیں پولیس نے خلاف ضابطہ عمارت تعمیر کرنے والے مالک کے خلاف مقدمہ درج کر لیا ہے۔

تفصیلات کے مطابق حیدرآباد کے پرانے شہر کے بہادر پورہ کے مقامی باشندوں میں اس وقت خوف و ہراس پھیل گیا جب ایک زیر تعمیر چار منزلہ عمارت ایک طرف جھک گئی۔ علاقہ مکینوں کے مطابق چار روز قبل تہہ خانے میں کچھ کام شروع ہونے کے بعد چار منزلہ ڈھانچہ جھکنا شروع ہو گیا تھا۔

 ہفتہ کی رات صورتحال مزید خراب ہو گئی کیونکہ یہ قریبی اپارٹمنٹ پر ٹیک لگاتا ہے جس میں پیچھے کی جگہ نہیں تھی۔بہادر پورہ میں ہاؤسنگ بورڈ سوسائٹی میں زیر تعمیر عمارت کو جھکتا دیکھ مقامی رہائشیوں میں ہفتہ کی رات بے چینی بڑھ گئی جب عمارت اپنے دائیں جانب زیادہ جھک گئی۔

جس کے بعد انھوں نے گھبرا کر مقامی کارپوریٹر سے رابطہ کیا جس نے بدلے میں جی ایچ ایم سی اور مقامی پولیس کو اس کی اطلاع دی۔

@GadwalvijayaTRS A 3 & 4-floor illegal construction has been built after G+2 permission in Bahadurpura & the building is cracked got weaker can fall anytime posing a threat to the lives of the people living in the nearby slum area please take stern action, @CCP_GHMC @GHMCOnline pic.twitter.com/Y7lQE8s5y0

— Mohd Ahmed (@MohdAhm20415855) August 19, 2023

جی ایچ ایم سی اور انفورسمنٹ اور ویجیلینس ٹیموں نے اتوار کو جائے وقوعہ کا دورہ کیا اور قریبی رہائشیوں سے مکان خالی کرنے کی ہدایت دی تھی جس کے بعدعلاقے میں رہنے والے کئی شہری اپنے رشتہ داروں کے گھر چلے گئے جبکہ دیگر پناہ کے لیے مقامی کمیونٹی ہالز، مندروں وغیرہ میں منتقل ہو گئے۔

پولیس نے عمارت کے آس پاس کی جگہ کو گھیرے میں لے لیا اور کسی کو عمارت کے قریب جانے سے روکنے کے لیے پولیس عہدیداروں نے چارج سنبھال لیا۔

معلوم ہوا ہے کہ جب عمارت جھک گئی تو پراپرٹی کے مالکان نے اسے اٹھانے کے لیے ہائیڈرولک جیک لگائے لیکن ناکام رہے۔بہادر پورہ پولیس نے مالک کے خلاف مقدمہ درج کر لیا۔مالک نے دو منزلوں کی اجازت حاصل کی تھی اور اس کے علاوہ دو مزید تعمیر کی تھیں۔