سائبر جرائم اور سائبر سیکیوریٹی کے بارے میں ہر فرد کو آگاہی حاصل ہونی چاہیے

جگتیال ضلع ایس پی اشوک کمار آئی پی ایس کی ہدایت پر ہر ماہ کے پہلے بدھ کو "سائبر جاگروکتا دیوس” کے نام سے ایک خصوصی مہم چلائی جا رہی ہے، جس کا مقصد عوام، طلبہ اور نوجوانوں میں سائبر جرائم اور سائبر سیکیوریٹی سے متعلق آگاہی پیدا کرنا ہے۔ اس مہم کے تحت ضلع کے تمام پولیس اسٹیشنوں کی حدود میں مختلف اسکولوں میں سائبر سیکیورٹی اور سائبر کرائمز کے بارے میں آگاہی پروگرام منعقد کیے جا رہے ہیں۔

اس موقع پر، ضلع پولیس کی جانب سے مختلف پولیس اسٹیشنوں کی حدود میں طلبہ، نوجوانوں اور عوام کو سائبر کرائم سے محفوظ رہنے کی تدابیر سے آگاہ کیا گیا۔ "سائبر جاگروکتا دیوس” کے تحت آج کے دن سائبر سیکیوریٹی کے علاوہ جدید دھوکہ دہی کے طریقوں جیسے OLX فراڈ، APK فائل کے ذریعے جعلی کسٹمر کیئر دھوکہ دہی، کرپٹو/بٹ کوائن فراڈ، پائریمیڈ/MLM فراڈ، جمپڈ ڈپازٹ فراڈ وغیرہ پر بھی روشنی ڈالی گئی اور عوام کو محتاط رہنے کی تلقین کی گئی۔

اسی طرح، پولیس نے والدین کو مشورہ دیا کہ چونکہ بچے واٹس ایپ، فیس بک اور انسٹاگرام جیسے سوشل میڈیا پلیٹ فارمز زیادہ استعمال کر رہے ہیں، اس لیے انہیں ان کے محفوظ استعمال کے بارے میں ہدایات دینی چاہئیں۔ اس پروگرام کے دوران پولیس نے اس بات پر زور دیا کہ جو معلومات یہاں فراہم کی جا رہی ہیں،

 انہیں آگے دوسروں تک بھی پہنچایا جائے تاکہ زیادہ سے زیادہ لوگ اس سے فائدہ اٹھا سکیں۔مزید برآں، اساتذہ کو بھی سائبر جرائم کی روک تھام میں اپنا کردار ادا کرنے کی ضرورت پر زور دیا گیا۔ آن لائن دھوکہ دہی کے بڑھتے ہوئے واقعات کے پیش نظر، ہر فرد کے لیے سائبر سیکیورٹی سے متعلق آگاہی حاصل کرنا نہایت ضروری قرار دیا گیا