جی ایس ٹی میں بڑی اصلاحات: صرف دو سلیب %5 اور %18، عام اشیاء سستی،

جی ایس ٹی میں بڑی اصلاحات: صرف دو سلیب %5 اور %18، عام اشیاء سستی، لگژری مصنوعات مہنگی۔پریمیم ایئر ٹکٹس پر بوجھنئی دہلی، 4 ستمبر (زیڈ این میڈیا سرویس):عام آدمی کو ریلیف دینے اور روزمرہ استعمال کی اشیاء پر ٹیکس کا بوجھ کم کرنے کے مقصد سے مرکزی حکومت نے جی ایس ٹی ڈھانچے میں بڑی تبدیلیوں کا اعلان کیا ہے۔

جی ایس ٹی کونسل کی 56ویں میٹنگ میں فیصلہ کیا گیا کہ اب موجودہ چار سلیب کے بجائے صرف دو سلیب ہوں گے — 5 فیصد اور 18 فیصد۔اس فیصلے کے تحت صابن، شیمپو، ٹی وی، اے سی، کاریں، کارن فلیکس اور ذاتی نگہداشت کی اشیاء سستی ہو جائیں گی۔

 دودھ، روٹی، پراٹھا اور چنہ جیسی غذائی اجناس کے ساتھ ساتھ انفرادی صحت اور لائف انشورنس پر بھی کوئی ٹیکس نہیں ہوگا۔ نایاب اور سنگین بیماریوں کے علاج کے لیے استعمال ہونے والی 33 جان بچانے والی ادویات کو بھی جی ایس ٹی سے مستثنیٰ کر دیا گیا ہے۔پریمیم ایئر ٹکٹس پر بوجھتاہم کچھ شعبوں پر اضافی بوجھ بھی ڈالا گیا ہے۔

 بزنس اور پریمیم کلاس فضائی سفر پر موجودہ 12 فیصد کے بجائے اب 18 فیصد جی ایس ٹی عائد کیا جائے گا۔ اس فیصلے سے پریمیم ٹکٹ خریدنے والے مسافروں پر اضافی خرچ آئے گا، اگرچہ اس پر ان پٹ ٹیکس کریڈٹ (ITC) دستیاب ہوگا۔ دوسری طرف، اکانومی کلاس ایئر ٹکٹس پر پہلے کی طرح 5 فیصد جی ایس ٹی ہی برقرار رہے گا۔

ہوٹل انڈسٹری کے لیے بھی بڑی راحت کا اعلان کیا گیا ہے۔ روزانہ کرایہ 7,500 روپے یا اس سے کم والے ہوٹل کمروں پر جی ایس ٹی کی شرح 12 فیصد سے گھٹا کر 5 فیصد کر دی گئی ہے۔ تاہم اب اس پر ان پٹ ٹیکس کریڈٹ (ITC) کا اطلاق نہیں ہوگا۔حکومت نے لگژری آئٹمز اور نقصان دہ اشیاء پر ٹیکس بڑھانے کا بھی فیصلہ کیا ہے۔ درمیانی اور بڑی کاروں، 350 سی سی سے زائد انجن والی موٹر سائیکلوں اور تمباکو مصنوعات پر موجودہ 28 فیصد کے بجائے 40 فیصد جی ایس ٹی عائد ہوگا۔

 البتہ تمباکو مصنوعات پر نئی شرح فی الحال لاگو نہیں ہوگی۔یہ نئے سلیب نوراتری کے پہلے دن یعنی 22 ستمبر سے نافذ ہوں گے۔وزیراعظم نریندر مودی نے اس فیصلے کو "تاریخی اصلاحات” قرار دیا اور ایکس (سابق ٹویٹر) پر لکھا:”مجھے خوشی ہے کہ جی ایس ٹی کونسل نے مرکزی حکومت کی تجویز کو منظوری دی۔

 اس میں شرحوں میں کمی اور کئی اہم اصلاحات شامل ہیں جن سے عام لوگوں، کسانوں، متوسط طبقے، خواتین، نوجوانوں اور ایم ایس ایم ای کو فائدہ ہوگا۔ یہ تبدیلیاں نہ صرف شہریوں کی زندگیوں کو بہتر بنائیں گی بلکہ کاروبار کرنے میں آسانی بھی پیدا کریں گی، خاص طور پر چھوٹے تاجروں اور کاروباریوں کے لیے۔”

ماہرین کا کہنا ہے کہ ان تبدیلیوں سے گھریلو کھپت میں اضافہ ہوگا اور مقامی صنعتوں کو فروغ ملے گا۔ ساتھ ہی، مہنگی مصنوعات پر زیادہ ٹیکس عائد کرکے نقصان دہ اور غیر ضروری اشیاء کے استعمال کو کم کیا جا سکے گا

یہ بھی پڑھیں :  تبسم ادبی معمہ دیانتداری کا دوسرا نام