جیولین تھرو : نیرج چوپڑا نے ورلڈ چیمپیئن شپ میں گولڈ میڈل جیت کر تاریخ رقم کی

ہندوستانی جیولین تھرو (برچھی پھینکنے) والے نیرج چوپڑا نے اتوار کی رات دیر گئےعالمی ایتھلیٹکس چیمپئن شپ میںمردوں کے جیولن تھرو میں طلائی تمغہ (گولڈ میڈیا) تاریخ رقم کی۔

 ٹورنامنٹ کے فائنل میں انہوں نے 88.17m کی اپنی بہترین کوشش سے گولڈ میڈل جیتا۔ چیمپئن شپ 19 سے 27 اگست تک ہنگری کے شہر بوڈاپیسٹ میں کھیلی گئی۔

25 سالہ نیرج عالمی ایتھلیٹکس چیمپئن شپ میں سونے کا تمغہ جیتنے والے پہلے ہندوستانی کھلاڑی بن گئے ہیں۔ انہوں نے گزشتہ سال یوجین میں ہونے والی عالمی چیمپئن شپ میں چاندی کا تمغہ جیتا تھا جسے اس بار انہوں نے سونے میں تبدیل کر دیا۔

پاکستان کے ارشد ندیم نے چاندی کا تمغہ جیتا۔ انہوں نے 87.82 میٹر کی بہترین کوشش کی۔ یہ چیمپئن شپ 1983 سے منعقد ہو رہی ہے۔ عالمی ایتھلیٹکس چیمپئن شپ میں یہ ہندوستان کا مجموعی طور پر تیسرا تمغہ ہے۔

فائنل ایونٹ میں ہندوستانی اسٹار نیرج کو اپنے پاکستانی حریف ارشد ندیم کی جانب سے سخت چیلنج کا سامنا کرنا پڑا۔ تاہم ارشد ندیم کبھی بھی نیرج سے آگے نہیں بڑھ سکا

چھٹی کوشش میں ہندوستان کے ڈی پی مانو نے 84.14 میٹر کا سب سے زیادہ اسکور کیا۔ وڈلیچ اور کشور جینا نے اس راؤنڈ میں فاؤل پھینکے تھے۔

 ارشد ندیم صرف 81.86 میٹر پھینک سکے اور انہیں چاندی کے تمغے سے مطمئن ہونا پڑا۔ نیرج چوپڑا نے 83.98 میٹر پھینکا لیکن دوسری کوشش میں ان کے 88.17 میٹر کے اسکور نے انہیں طلائی تمغہ دلایا۔