تلنگانہ : مجھے یقین ہے کہ میں اگلی اسمبلی میں نہیں رہوں گا

تلنگانہ: مجھے یقین ہے کہ میں اگلی اسمبلی میں نہیں رہوں گا
باہر والے اور گھر والے بھی نہیں چاہتے کہ میں اسمبلی میں رہوں : راجہ سنگھ کا اسمبلی میں حیرت انگیز بیان

بھارتیہ جنتا پارٹی کے معطل رکن اسمبلی اور گوشہ محل کے ایم ایل اے ملعون راجہ سنگھ نے تلنگانہ اسمبلی میں حیران کن انکشاف اور کئی دلچسپ تبصرے کرتے ہوئے کہا کہ وہ اگلی اسمبلی کا حصہ نہیں بنیں گے۔ راجہ سنگھ کے تبصرے وائرل ہو رہے ہیں۔

بی جے پی کے گوشہ محل کے ایم ایل اے راج سنگھ کے تبصرے اب ایک گرما گرم موضوع بن گیا ہے ۔ اس نے ایوان میں حکمراں پارٹی کے ممبران کے ساتھ بی جے پی کے ممبران اسمبلی کو اس وقت چونکا دیا جب انہوں نے ایسا بولا جیسے وہ آخری بار اسمبلی میں آیا ہے

وقفہ صفر کے دوران بات کرتے ہوئے راجہ سنگھ جس کی بی جے پی سے معطلی تقریباً ایک سال گزرنے کے بعد بھی منسوخ نہیں کی گئی ہےنے کہا کہ موجودہ اسمبلی میں تمام ارکان اسمبلی کو بولنے کا موقع ملا ہے

لیکن آنے والے انتخابات کے بعد  ایوان میں کون کون موجود ہوگا  مجھے نہیں پتہ تاہم مجھے یقین ہے کہ میں اگلی اسمبلی میں نہیں رہوں گا۔

 اسمبلی میں میرے قدموں کے بغیر میرے اردگرد بہت سی سیاست چل رہی ہے۔راجہ سنگھ نے کہاکہ باہر والے بھی گھر والے بھی نہیں چاہتے کہ میں اگلی اسمبلی میں رہوں

 نہ صرف دوسری پارٹیوں کے رہنما بلکہ ان کی اپنی پارٹی کے رہنما بھی یہی چاہتے ہیں کہ میں آئندہ انتخابات کسی بھی حالت میں نہ جیتوں

پچھلے مہینے وکرم گوڑ گوشہ محل اسمبلی حلقہ سے بی جے پی ٹکٹ کے دعویداروں میں سے ایک نے بی جے پی کی ریاستی الیکشن کمیٹی کے چیئرمین ایٹالہ راجندر سے ملاقات کی تھی۔

اس سے پارٹی میں راجہ سنگھ کے مستقبل کے بارے میں قیاس آرائیاں شروع ہوگئیں۔ ذرائع کے مطابق راجہ سنگھ ظہیرآباد سے لوک سبھا ٹکٹ کی پیشکش کے باوجود اسی اسمبلی سیٹ سے تیسری بار الیکشن لڑنے پر اڑے ہوئے ہیں۔

گوشہ محل حلقہ کےرکن اسمبلی نے صفر گھنٹے کے دوران ایک بیان میں دعویٰ کیا کہ ان کی پارٹی کے اندرونی اور بیرونی قائدین دونوں ہی اسمبلی میں ان کی موجودگی نہیں چاہتے ہیں۔

راجہ سنگھ نے چیف منسٹر کے چندر شیکھر راؤ سے بھی درخواست کی کہ وہ دھول پیٹ کا دورہ کریں جہاں سے وہ تعلق رکھتے ہیں اور اپنے حلقہ کی ترقی کو بھی یقینی بنائیں۔راجہ سنگھ نے کہا کہ یہ تکلیف دہ ہے کہ حکومت گوشہ محل حلقہ کو نظر انداز کر رہی ہے

आने वाली विधानसभा में शायद में नहीं रहूंगा

….मुख्यमंत्री KCR जी से धूलपेट का दौरा करने और लोगों को सहायता प्रदान करने का अनुरोध किया। @TelanganaCMO जी को याद दिलाया कि उन्होंने पहले भी मेरे गोशामहल निर्वाचन क्षेत्र का दौरा करने और जरूरतमंद लोगों की मदद करने का वादा किया था। pic.twitter.com/4D7mXep034

— Raja Singh (Modi Ka Parivar) (@TigerRajaSingh) August 6, 2023

راجہ سنگھ نے کہاکہ چاہے میں یہاں ہوں یا نہ ہوں، میں چاہتا ہوں کہ آپ کا آشیرواد دھول پیٹ پر رہے، کیونکہ اب بھی دھول پیٹ کے لوگ ترقی اور نوکریوں کے منتظر ہیں” اس نے چیف منسٹر سے دھول پیٹ کے لوگوں کے لیے ترقیاتی منصوبہ کی درخواست کی